ഓട്ടവ: കാനഡയിലേക്ക് ചേക്കേറാൻ ആഗ്രഹിക്കുന്നവർക്കും സ്ഥിരതാമസത്തിന് (PR), പൗരത്വത്തിന് അപേക്ഷിച്ചവർക്കുമായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) 2026 ഒക്ടോബർ മാസത്തെ പുതുക്കിയ അപേക്ഷാ പ്രൊസസിംഗ് സമയം പുറത്തുവിട്ടു. ഒക്ടോബർ 9 വരെയുള്ള പ്രതിമാസ ഡാറ്റയും ഒക്ടോബർ 7 വരെയുള്ള പ്രതിവാര ഡാറ്റയും അടിസ്ഥാനമാക്കിയാണ് വിവരങ്ങൾ പുറത്തുവിട്ടിരിക്കുന്നത്. ഈ പുതിയ റിപ്പോർട്ട് പ്രകാരം വിവിധ മേഖലകളിൽ പ്രൊസസിംഗ് വേഗത്തിലായപ്പോൾ മറ്റ് ചില വിഭാഗങ്ങളിൽ കാത്തിരിപ്പ് സമയം വീണ്ടും വർദ്ധിച്ചിട്ടുണ്ട്.
സിറ്റിസൺഷിപ്പ് വിഭാഗത്തിൽ സിറ്റിസൺഷിപ്പ് സർട്ടിഫിക്കറ്റുകൾ ലഭിക്കാനുള്ള സമയം ഒരു മാസം കൂടി വർദ്ധിച്ച് 34 മാസമായി ഉയർന്നപ്പോൾ അപേക്ഷകരുടെ ക്യൂവിൽ 5,300 പേരുടെ കുറവുണ്ടായിട്ടുണ്ട്. പൗരത്വ ഗ്രാന്റിനുള്ള അപേക്ഷാ ക്യൂവിൽ 4,400 പേരുടെ കുറവുണ്ടായെങ്കിലും പ്രൊസസിംഗ് സമയം 12 മാസമായി മാറ്റമില്ലാതെ തുടരുന്നു. സ്ഥിരതാമസ അപേക്ഷകരെ സംബന്ധിച്ച് പുതിയ പിആർ കാർഡിനുള്ള കാത്തിരിപ്പ് സമയം 4 ദിവസം കുറഞ്ഞ് 33 ദിവസമായി മെച്ചപ്പെട്ടു, അതേസമയം പിആർ കാർഡ് പുതുക്കുന്നതിനുള്ള സമയം 38 ദിവസമായി തുടരുന്നു.
എക്സ്പ്രസ് എൻട്രി വിഭാഗത്തിൽ കനേഡിയൻ എക്സ്പീരിയൻസ് ക്ലാസ് (CEC) പ്രൊസസിംഗ് സമയം 6 മാസമായി തുടരുമ്പോൾ അപേക്ഷകരുടെ എണ്ണത്തിൽ 5,000 പേരുടെ കുറവുണ്ടായി. നോൺ-എക്സ്പ്രസ് എൻട്രി പിഎൻപി അപേക്ഷകരുടെ എണ്ണത്തിലും 5,000 പേരുടെ കുറവ് രേഖപ്പെടുത്തി (13 മാസം). എന്നാൽ ഫെഡറൽ സ്കിൽഡ് വർക്കർ അപേക്ഷകരുടെ ക്യൂവിൽ 4,500 പേരുടെ വർദ്ധനവുണ്ടായിട്ടുണ്ട്, ഇവരുടെ പ്രൊസസിംഗ് സമയം 7 മാസമാണ്. വിസിറ്റർ വിസ വിഭാഗത്തിൽ ഇന്ത്യയിൽ നിന്നുള്ള അപേക്ഷകളുടെ പ്രൊസസിംഗ് സമയം 30 ദിവസമായി കുറഞ്ഞു. എന്നാൽ നൈജീരിയയിൽ നിന്നുള്ള വിസ സമയം 100 ദിവസമായി വർദ്ധിച്ചു. കാനഡയ്ക്കുള്ളിൽ നിന്നുള്ള വിസിറ്റർ റെക്കോർഡ് എക്സ്റ്റൻഷൻ സമയം 33 ദിവസം കുറഞ്ഞ് 370 ദിവസമായി മാറി. ഇന്ത്യയിൽ നിന്നുള്ള അപേക്ഷകർക്ക് സ്റ്റഡി പെർമിറ്റിന് 6 ആഴ്ചയും, വർക്ക് പെർമിറ്റിന് 11 ആഴ്ചയും, സൂപ്പർ വിസയ്ക്ക് 74 ദിവസവുമാണ് ഇപ്പോഴത്തെ സമയം. കൂടാതെ, കാനഡയ്ക്കുള്ളിൽ നിന്നുള്ള ഇൻലാന്റ് ഇനിഷ്യൽ വർക്ക് പെർമിറ്റിന് 14 ആഴ്ചയും eTA പ്രൊസസിംഗിന് 5 മിനിറ്റുമാണ് സമയം. ഫാമിലി സ്പോൺസർഷിപ്പ് വിഭാഗത്തിൽ കാനഡയ്ക്ക് പുറത്തുള്ള സ്പൗസൽ അപേക്ഷകളുടെ സമയം 18 മാസമായി മാറ്റമില്ലാതെ നിൽക്കുന്നു.
Also Read: കാനഡയിൽ ബന്ധുക്കളുണ്ടോ? എങ്കിൽ നിങ്ങൾക്കും കനേഡിയൻ പൗരത്വം നേടാം!
ഇമിഗ്രേഷൻ അപേക്ഷകളിൽ അനാവശ്യ കാലതാമസം ഒഴിവാക്കാൻ ആവശ്യമായ എല്ലാ രേഖകളും കൃത്യമായി സമർപ്പിക്കാനും, പോർട്ടൽ അക്കൗണ്ടുകൾ പതിവായി പരിശോധിച്ച് അപ്‌ഡേറ്റുകൾ മനസ്സിലാക്കാനും IRCC നിർദ്ദേശിക്കുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
