വാബഷ്: ലാൻഡ് ചെയ്യുന്നതിനിടെ പി എൽ എയർലൈൻസ് വിമാനത്തിന്റെ ലാൻഡിംഗ് ഗിയർ ചക്രം ഊരിത്തെറിച്ചു. ലാബ്രഡോറിലെ വാബഷിൽ വെച്ച് കഴിഞ്ഞ വെള്ളിയാഴ്ചയായിരുന്നു സംഭവം. വിമാനത്തിലുണ്ടായിരുന്ന സി.ബി.സി പ്രൊഡ്യൂസർ ലീ പിറ്റ്സാണ് ഇതിന്റെ ദൃശ്യങ്ങൾ ക്യാമറയിൽ പകർത്തിയത്. യാത്രക്കാർക്ക് ആർക്കും പരിക്കില്ല.
ഗൂസ് ബേയിൽ നിന്ന് വിമാനം പറന്നുയർന്നപ്പോൾ തന്നെ ചക്രത്തിന്റെ ഭാഗത്ത് സംശയാസ്പദമായ പുക ഉയർന്നിരുന്നുവെങ്കിലും വെള്ളം തെറിക്കുന്നതാണെന്നാണ് ആദ്യം കരുതിയത്. എന്നാൽ വാബഷിൽ ലാൻഡ് ചെയ്ത ഉടൻ വിമാനത്തിന്റെ ചക്രം വേർപെട്ടുപോവുകയായിരുന്നു. പൈലറ്റിന്റെ സമയോചിതമായ ഇടപെടൽ മൂലം അപകടം ഒഴിവാകുകയും വിമാനം സുരക്ഷിതമായി ലാൻഡ് ചെയ്യുകയും ചെയ്തു.
ALSO READ: കാനഡയിൽ എക്സ്പ്രസ് എൻട്രി മാറുമ്പോൾ എന്തൊക്കെ ശ്രദ്ധിക്കണം; മുന്നറിയിപ്പുമായി ഇമിഗ്രേഷൻ വിദഗ്ധർ
യാത്രക്കാർക്ക് തുടർയാത്രയ്ക്കായി എയർലൈൻസ് ഉടൻ തന്നെ മറ്റൊരു വിമാനം എത്തിച്ചു നൽകി. വീൽ ബെയറിംഗിന് സംഭവിച്ച തകരാറാണ് അപകട കാരണമെന്ന് എയർലൈൻസ് വക്താവ് ജോസഫ് ഗാലിംബെർട്ടി വ്യക്തമാക്കി. സംഭവത്തിൽ ട്രാന്സ്പോർട്ട് കാനഡ അന്വേഷണം ആരംഭിച്ചിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
