ഒന്റാറിയോ: ഒന്റാറിയോയിലെ തൊഴിലാളികളുടെ തൊഴിൽസുരക്ഷയും നൈപുണ്യവികസനവും ലക്ഷ്യമിട്ട് ഒന്റാറിയോ സർക്കാരും കാനഡ സർക്കാരും ചേർന്ന് 7.2 മില്യൺ ഡോളറിലധികം നിക്ഷേപം പ്രഖ്യാപിച്ചു. Canada–Ontario Workforce Tariff Response പദ്ധതിയിലൂടെയാണ് ധനസഹായം ലഭ്യമാക്കുന്നത്. 500-ലധികം തൊഴിലാളികൾക്ക് പുതിയ കഴിവുകൾ ആർജിക്കാനും തൊഴിൽമാറ്റത്തിന് ആവശ്യമായ പരിശീലനം നേടാനും പ്രാദേശിക സ്ഥാപനങ്ങൾക്ക് ആവശ്യമായ വൈദഗ്ധ്യമുള്ള തൊഴിലാളികളെ ഒരുക്കാനുമാണ് പദ്ധതിയുടെ ലക്ഷ്യം.
Skills Advance Ontario പദ്ധതിയിലൂടെയാണ് ഈ ഫണ്ട് വിതരണം ചെയ്യുക. തൊഴിലുടമകളുമായും പരിശീലന സ്ഥാപനങ്ങളുമായും സഹകരിച്ച് തൊഴിലാളികളെ സാമ്പത്തിക വളർച്ചയ്ക്ക് നിർണായകമായ മേഖലകളിലേക്ക് മാറ്റാൻ ആവശ്യമായ പരിശീലനം നൽകുന്നതാണ് പദ്ധതിയുടെ പ്രധാന ലക്ഷ്യം.
ഉത്തര ഒന്റാറിയോയിലെ നാല് സ്ഥാപനങ്ങൾക്കാണ് ഈ ധനസഹായം ലഭിക്കുന്നത്. Algoma Steel Inc.-ന് 250 ജീവനക്കാരുടെ നൈപുണ്യം മെച്ചപ്പെടുത്തുന്നതിനായി 1.48 മില്യൺ ഡോളർ അനുവദിച്ചു. Canadian Skills Training and Employment Coalition (CSTEC)-ന് 120 നിർമാണമേഖല തൊഴിലാളികളെ വെൽഡിംഗ്, ഇൻഡസ്ട്രിയൽ മെക്കാനിക് തുടങ്ങിയ ട്രേഡുകളിലേക്ക് പരിശീലിപ്പിക്കുന്നതിന് 1.55 മില്യൺ ഡോളർ ലഭിക്കും. നാല് മുതൽ 18 ആഴ്ച വരെ നീളുന്ന ഈ പരിശീലനത്തിൽ വ്യവസായ അംഗീകൃത സുരക്ഷാ സർട്ടിഫിക്കേഷനും ശമ്പളത്തോടുകൂടിയ ജോലി പരിചയവും ഉൾപ്പെടും.
അതേസമയം, Confederation College of Applied Arts & Technology-യ്ക്ക് 2.78 മില്യൺ ഡോളർ അനുവദിച്ചിട്ടുണ്ട്. തണ്ടർ ബേ മേഖലയിലെ വനവൽക്കരണ, പൾപ്പ്-പേപ്പർ വ്യവസായ പുനഃസംഘടനയെ തുടർന്ന് തൊഴിൽ ബാധിച്ച 110 തൊഴിലാളികൾക്കും തൊഴിൽ അന്വേഷിക്കുന്നവർക്കും ഹെവി ഇക്വിപ്പ്മെന്റ് ഓപ്പറേഷൻ, മിൽറൈറ്റിംഗ്, വെൽഡിംഗ്, ഇലക്ട്രിക്കൽ, കൊമേഴ്സ്യൽ ഡ്രൈവിംഗ് തുടങ്ങിയ മേഖലകളിൽ പരിശീലനം നൽകും.
കൂടാതെ, Washagamis Bay Investment Corporation-ന് 1.39 മില്യൺ ഡോളർ അനുവദിച്ച് കെനോറ മേഖലയിലെ 40 തൊഴിലന്വേഷകർക്ക്, പ്രത്യേകിച്ച് Treaty #3 മേഖലയിലെ തദ്ദേശീയ സമൂഹാംഗങ്ങൾക്ക്, ഭവനനിർമാണം, വനവൽക്കരണം, ടെലികമ്മ്യൂണിക്കേഷൻ അടിസ്ഥാനസൗകര്യ വികസനം തുടങ്ങിയ മേഖലകളിൽ തൊഴിൽപരിശീലനം നൽകും.
$7.2 million project in Ontario; new job training for over 500 people.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
