വിന്നിപെഗ് : വിന്നിപെഗിൽ കടുത്ത ഉഷ്ണതരംഗം തുടരുന്നതിനിടയിലും പ്രാദേശികമായ മൂന്ന് പരിചരണ കേന്ദ്രങ്ങളിൽ സെൻട്രൽ എയർ കണ്ടീഷണർ സംവിധാനം പ്രവർത്തിക്കുന്നില്ലെന്ന് റിപ്പോർട്ടുകൾ വ്യക്തമാക്കുന്നു. മിഡിൽചർച്ച് ഹോം, ഡോൺവുഡ് പേഴ്സണൽ കെയർ ഹോം, പെംബിന പ്ലേസ് പേഴ്സണൽ കെയർ ഹോം എന്നീ കേന്ദ്രങ്ങളിലാണ് നിലവിൽ എയർ കണ്ടീഷണർ സംവിധാനമില്ലാത്തത്. ഇവിടങ്ങളിൽ താൽക്കാലിക പ്രതിരോധ സംവിധാനങ്ങൾ ഒരുക്കിയതായി വിന്നിപെഗ് റീജിയണൽ ഹെൽത്ത് അതോറിറ്റി (WRHA) പ്രസ്താവനയിലൂടെ അറിയിച്ചു.
മിഡിൽചർച്ച് ഹോമിലെ കെട്ടിടത്തിന്റെ ഒരു ഭാഗത്തെ എയർ കണ്ടീഷണർ സംവിധാനത്തെ ബാധിച്ച യാന്ത്രിക തകരാർ പരിഹരിച്ചുവരികയാണെന്ന് വിന്നിപെഗ് റീജിയണൽ ഹെൽത്ത് അതോറിറ്റി തിങ്കളാഴ്ച വ്യക്തമാക്കി. ഇവിടെ എയർ കണ്ടീഷണർ സൗകര്യമുള്ള പൊതുഇടങ്ങളിലേക്ക് അന്തേവാസികൾക്ക് പ്രവേശനം നൽകിയും പോർട്ടബിൾ കൂളിംഗ് ഉപകരണങ്ങൾ സ്ഥാപിച്ചും താൽക്കാലിക സംവിധാനങ്ങൾ ഒരുക്കിയിട്ടുണ്ട്. കഴിഞ്ഞ മാസം ഉണ്ടായ വെള്ളപ്പൊക്കത്തെ തുടർന്നുള്ള കേടുപാടുകൾ പരിഹരിക്കുന്ന പ്രവർത്തനങ്ങൾ പുരോഗമിക്കുന്നതിനാൽ ഡോൺവുഡ് പേഴ്സണൽ കെയർ ഹോമിലെ മുറികളിൽ താൽക്കാലിക എയർ കണ്ടീഷണർ യൂണിറ്റുകൾ സ്ഥാപിച്ചതായും അധികൃതർ അറിയിച്ചു.
പെംബിന പ്ലേസ് പേഴ്സണൽ കെയർ ഹോമിൽ അടുത്തിടെയുണ്ടായ എയർ കണ്ടീഷണർ തകരാറുകൾ പരിഹരിക്കുന്നതിനായി ഓരോ നിലയിലും വലിയ എയർ കണ്ടീഷണറുകൾ സ്ഥാപിച്ചിട്ടുണ്ടെന്ന് അതോറിറ്റി വക്താവ് വ്യക്തമാക്കി. അന്തേവാസികളുടെ ആരോഗ്യം, സുരക്ഷ, സുസ്ഥിതി എന്നിവയ്ക്കാണ് തങ്ങൾ മുൻഗണന നൽകുന്നതെന്നും അറ്റകുറ്റപ്പണികൾ പുരോഗമിക്കുന്ന സാഹചര്യത്തിൽ ജീവനക്കാർ അന്തേവാസികളെ സൂക്ഷ്മമായി നിരീക്ഷിച്ചു വരികയാണെന്നും അധികൃതർ പ്രസ്താവനയിൽ കൂട്ടിച്ചേർത്തു.
Winnipeg heatwave: Report says care homes lack air conditioning
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
