ഡി.സി; അടിയന്തര സാഹചര്യങ്ങളിൽ സിവിൽ സംവിധാനങ്ങളുടെ സഹായമില്ലാതെ കുറഞ്ഞത് 90 ദിവസമെങ്കിലും സ്വന്തമായി പ്രവർത്തിക്കാൻ അമേരിക്കൻ സൈനിക താവളങ്ങളെ സജ്ജമാക്കുന്ന ‘ഫോർട്രെസ് അമേരിക്ക’ പദ്ധതിക്ക് തുടക്കമായി. യു.എസ് സെക്രട്ടറി ഓഫ് വാർ പെറ്റ് ഹെഗ്‌സെത് 2026 സെപ്റ്റംബർ 30-നാണ് ഈ പുതിയ സുരക്ഷാ നയം പ്രഖ്യാപിച്ചത്.
ആക്രമണങ്ങളോ സാങ്കേതിക തകരാറുകളോ ഉണ്ടായാൽ രാജ്യത്തിനകത്തുള്ള പ്രധാന സൈനിക കേന്ദ്രങ്ങളുടെ പ്രവർത്തനം തടസ്സപ്പെടാതിരിക്കാനാണ് പെന്റഗൺ ഈ തന്ത്രപ്രധാന നീക്കം നടത്തുന്നത്. സൈബർ ആക്രമണം, ഡ്രോൺ ഭീഷണി, പവർ ഗ്രിഡ് തകരാറുകൾ, ഉൽപ്പന്ന വിതരണ തടസ്സം എന്നിവ അതിജീവിക്കുകയാണ് ഇതിന്റെ പ്രധാന ലക്ഷ്യം.
വൈദ്യുതി, കുടിവെള്ളം, ഇന്ധനം, ആശയവിനിമയം എന്നിവയിൽ പൂർണ്ണ സ്വയംപര്യാപ്തത കൈവരിക്കാൻ താവളങ്ങൾക്ക് നിർദ്ദേശം നൽകിയിട്ടുണ്ട്. ഇതിനായി ചെറിയ ആണവ നിലയങ്ങൾ, വലിയ ബാറ്ററി സംഭരണികൾ, സ്വതന്ത്ര മൈക്രോ ഗ്രിഡുകൾ എന്നിവ സ്ഥാപിക്കും.
Also Read: സ്ഥിരമായ ‘ഡേലൈറ്റ് സേവിംഗ് ടൈം’ വേണോ? കാനഡയിൽ സമയമാറ്റം വീണ്ടും ചർച്ചയിൽ
യുദ്ധ സമയങ്ങളിൽ സിവിലിയൻ ഫാക്ടറികളെ സൈനിക ആവശ്യങ്ങൾക്കായി പെട്ടെന്ന് മാറ്റിയെടുക്കാൻ ‘സിവിൽ റിസർവ് മാനുഫാക്ചറിംഗ് നെറ്റ്‌വർക്ക്’ വഴി പദ്ധതിയിടുന്നു. കൂടാതെ ആയുധങ്ങൾ, ഇന്ധനം, മരുന്നുകൾ എന്നിവയുടെ പ്രത്യേക കരുതൽ ശേഖരവും നിർമ്മിക്കും. പ്രോഗ്രാമിന്റെ ഇടക്കാല ഡയറക്ടറായി റിചാർഡ് മാറ്റ് ഒമാലിയെ ചുമതലപ്പെടുത്തി.
ഒക്ടോബർ 6-ലെ ഉത്തരവ് പ്രകാരം 30 ദിവസത്തിനുള്ളിൽ ഇതിന്റെ പ്രത്യേക ഓഫീസ് സജ്ജമാക്കാൻ അണ്ടർ സെക്രട്ടറി മൈക്കൽ ഡഫി നിർദ്ദേശം നൽകി. ആധുനിക യുദ്ധങ്ങളിൽ വൈദ്യുതിയും ആശയവിനിമയവുമാണ് ഏറ്റവും നിർണായകമെന്ന് ഒക്ടോബർ 25-ന് പെന്റഗൺ വക്താവ് ഷാൻ പാർനെൽ വ്യക്തമാക്കി. ഭീഷണികൾ വർദ്ധിക്കുന്ന പശ്ചാത്തലത്തിൽ രാജ്യത്തിന്റെ പ്രതിരോധശേഷി ഉറപ്പാക്കാൻ ഈ നീക്കം സഹായിക്കും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
