ഓട്ടവ: വർഷത്തിൽ രണ്ടുതവണ ക്ലോക്കുകളിലെ സമയം മാറ്റുന്ന രീതി കാനഡയിൽ വീണ്ടും വലിയ ചർച്ചകൾക്ക് വഴിവെച്ചിരിക്കുകയാണ്. മാരിടൈം പ്രവിശ്യകളും ക്യുബെക്ക്, ഒന്റാരിയോ തുടങ്ങിയ പ്രദേശങ്ങളും വർഷത്തിൽ രണ്ടുതവണ സമയം ഒരു മണിക്കൂർ പിന്നോട്ട് മാറ്റുന്ന രീതി തുടരുന്നു. എന്നാൽ, മറ്റ് ചില പ്രവിശ്യകൾ ഇതിൽ നിന്ന് വ്യത്യസ്തമായി സ്ഥിരമായ ‘ഡേലൈറ്റ് സേവിംഗ് ടൈം’ നടപ്പിലാക്കാൻ തീരുമാനിച്ചതാണ് കാനഡയിൽ നിലവിലെ തർക്കങ്ങൾക്ക് കാരണം. സാമ്പത്തിക ഇടപാടുകളെയും വ്യക്തികളുടെ ആരോഗ്യത്തെയും ഇത് എങ്ങനെയെല്ലാം ബാധിക്കുമെന്ന കാര്യത്തിൽ വിവിധ മേഖലകളിൽ ആശങ്ക ശക്തമാണ്.
വർഷം മുഴുവൻ സ്ഥിരമായ ‘ഡേലൈറ്റ് സേവിംഗ് ടൈം’ പിന്തുടരുന്നത് ശരിയായ തീരുമാനമല്ലെന്നാണ് മക്ഗിൽ സർവകലാശാലയിലെ സൈക്യാട്രി പ്രൊഫസറായ കൈ-ഫ്ലോറിയൻ സ്റ്റോർച്ച് വ്യക്തമാക്കുന്നത്. ശൈത്യകാലത്ത് ഈ സമയം നിലനിർത്തിയാൽ രാവിലെ 9 മണിക്ക് ശേഷമേ സൂര്യോദയം ഉണ്ടാകൂ എന്നത് ജനങ്ങളുടെ ശാരീരിക-മാനസിക ആരോഗ്യത്തെ പ്രതികൂലമായി ബാധിക്കും. രാവിലെ വൈകി സൂര്യൻ ഉദിക്കുന്നത് ശരീരത്തിലെ ബിയോളോജിക്കൽ ക്ലോക്ക് താളം തെറ്റിക്കുമെന്നും ഇത് ഹൃദയാഘാതം, വിഷാദം, ദഹന പ്രശ്നങ്ങൾ തുടങ്ങിയവയ്ക്ക് കാരണമാകുമെന്നും ഓട്ടവ സർവകലാശാലയിലെ റെബേക്ക റോബില്ലാർഡ് ചൂണ്ടിക്കാണിക്കുന്നു.
പടിഞ്ഞാറൻ കാനഡ സമയമാറ്റ രീതി ഉപേക്ഷിക്കുന്നതോടെ തെക്കൻ അയൽരാജ്യങ്ങളുമായുള്ള സാമ്പത്തിക ബന്ധം നഷ്ടപ്പെടുമെന്ന ആശങ്കയിലാണ് വ്യവസായ ലോകം. ബിസിനസ് ഇടപാടുകളിൽ ആശയക്കുഴപ്പം ഉണ്ടാകുന്നതിനൊപ്പം തൊഴിലാളികളുടെ ഉൽപ്പാദനക്ഷമതയെയും ഇത് ബാധിക്കാം. പ്രത്യേകിച്ച് രാവിലെ വന്ന് ജോലി ചെയ്യേണ്ട ഷിഫ്റ്റ് തൊഴിലാളികൾക്ക് വെളിച്ചമില്ലാത്തത് വലിയ ബുദ്ധിമുട്ടുകൾ സൃഷ്ടിക്കുമെന്ന് ബ്രിട്ടീഷ് കൊളംബിയ സർവകലാശാലയിലെ പ്രൊഫസർ പാട്രിക് ബെയ്‌ലിസ് വ്യക്തമാക്കുന്നു.
1910-കളുടെ തുടക്കത്തിലാണ് കാനഡയിലെ ചില നഗരങ്ങളിൽ സമയമാറ്റ രീതി ആരംഭിച്ചത്. തുടർന്ന് 1960-കളുടെ അവസാനത്തോടെ രാജ്യമൊട്ടാകെ ഇത് നിലവിൽ വന്നു. തൊഴിൽ ഉൽപ്പാദനക്ഷമത വർദ്ധിപ്പിക്കാനും മറ്റ് രാജ്യങ്ങളുമായുള്ള വ്യാപാരം സുഗമമാക്കാനുമാണ് ഈ സമ്പ്രദായം കൊണ്ടുവന്നത്. എന്നാൽ നിലവിൽ ഇതുകൊണ്ട് ലഭിക്കുന്ന നേട്ടങ്ങളേക്കാൾ കൂടുതൽ ബുദ്ധിമുട്ടുകളാണുള്ളതെന്നാണ് പുതിയ പഠനങ്ങൾ സൂചിപ്പിക്കുന്നത്.
Read more: ഓൺലൈൻ തട്ടിപ്പുകാർ നിങ്ങളെ എങ്ങനെയെല്ലാം നിരീക്ഷിക്കുന്നു? സുരക്ഷിതരാകാൻ മുൻകരുതലുകളുമായി വിദഗ്ദ്ധർ
സമയമാറ്റം പൂർണ്ണമായി അവസാനിപ്പിക്കുന്നത് സംബന്ധിച്ച് ക്യുബെക്ക് പ്രീമിയർ പോൾ സെന്റ്-പിയറി പ്ലാമണ്ടൻ ചർച്ചകൾ ആരംഭിച്ചിട്ടുണ്ട്. സ്ഥിരമായ സമയത്തിലേക്ക് മാറുകയാണെങ്കിൽ അത് ‘സ്റ്റാൻഡേർഡ് സമയ’ത്തിലേക്ക് ആയിരിക്കണം എന്നാണ് ആരോഗ്യ വിദഗ്ദ്ധരുടെ നിർദ്ദേശം. ജനങ്ങളുടെ ക്ഷേമവും പൊതുജനാരോഗ്യവും മുൻനിർത്തി വരും ദിവസങ്ങളിൽ പ്രവിശ്യകൾ ഏകോപിച്ച് അന്തിമ തീരുമാനമെടുക്കുമെന്നാണ് പ്രതീക്ഷിക്കുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
