ഓട്ടവ: വിനോദസഞ്ചാരികൾക്ക് സന്ദർശിക്കാൻ ഏറ്റവും സുരക്ഷിതമായ രാജ്യങ്ങളുടെ 2027-ലെ പുതിയ റാങ്കിംഗിൽ കാനഡ ഒന്നാം സ്ഥാനം നേടി. യൂറോപ്യൻ, സ്കാൻഡിനേവിയൻ രാജ്യങ്ങൾ മുന്നിട്ടുനിൽക്കുന്ന പട്ടികയിൽ മുൻ വർഷം ഏഴാം സ്ഥാനത്തുണ്ടായിരുന്ന യുണൈറ്റഡ് അറബ് എമിറേറ്റ്സ് (യു.എ.ഇ) ഇത്തവണ ആദ്യ പത്തിൽ നിന്ന് പുറത്തായി 16-ാം സ്ഥാനത്തേക്ക് താഴ്ന്നു. ബെർക്‌ഷയർ ഹാത്ത്‌വേ ട്രാവൽ പ്രൊട്ടക്ഷൻ (Berkshire Hathaway Travel Protection) നടത്തുന്ന വാർഷിക സർവേയുടെ അടിസ്ഥാനത്തിലാണ് ഈ പുതിയ റിപ്പോർട്ട് പുറത്തുവന്നിരിക്കുന്നത്.
അമേരിക്കൻ യാത്രക്കാരുടെ അനുഭവങ്ങളും സുരക്ഷയോടുള്ള കാഴ്ചപ്പാടുകളും വിശകലനം ചെയ്താണ് ഈ റാങ്കിംഗ് തയ്യാറാക്കിയിരിക്കുന്നത്. ഗ്ലോബൽ പീസ് ഇൻഡക്സ്, നംബിയോ ഡാറ്റ, പ്രമുഖ നഗരങ്ങളുടെ ജിയോഷുവർ സ്കോറുകൾ എന്നിവ ഉൾപ്പെടുത്തിയുള്ള പ്രത്യേക ഇൻഡക്സാണ് സർവേയ്ക്കായി ഉപയോഗിച്ചത്. കൂടാതെ ലോകാരോഗ്യ സംഘടന (WHO), ഗ്ലോബൽ ടെററിസം ഇൻഡക്സ്, ഇക്വൽഡെക്സ് ഇക്വാളിറ്റി ഇൻഡക്സ് എന്നിവയിൽ നിന്നുള്ള വിവരങ്ങളും ഇതിൽ നിർണായക പങ്കുവഹിച്ചു.
സുരക്ഷിതമായ രാജ്യങ്ങളിലേക്ക് യാത്ര ചെയ്യാനുള്ള ആഗ്രഹം വിനോദസഞ്ചാരികൾക്കിടയിൽ മുൻപത്തേക്കാൾ ശക്തമാണെന്ന് വിവരങ്ങൾ സൂചിപ്പിക്കുന്നു. പ്രത്യേകിച്ച് ജെൻ സി വിഭാഗത്തിൽപ്പെട്ട യുവയാത്രക്കാർ പുതിയ അനുഭവം തേടി വ്യത്യസ്തമായ സ്ഥലങ്ങൾ സന്ദർശിക്കാൻ താല്പര്യം കാണിക്കുന്നുണ്ടെങ്കിലും, ആഗോള കാലാവസ്ഥാ വ്യതിയാനവും ഭൗമരാഷ്ട്രീയ നിലപാടുകളും മൂലമുള്ള ഭീഷണികളെക്കുറിച്ചും സുരക്ഷയെക്കുറിച്ചും ഏറെ ബോധവാന്മാരാണ്.
വർഷത്തിൽ 25,000 ഡോളറിലധികം യാത്രയ്ക്കായി ചെലവഴിക്കുന്ന ധനികരായ യാത്രക്കാരുടെ സർവേയിൽ ഇന്ത്യ രണ്ടാം സ്ഥാനം നേടിയിട്ടുണ്ട് എന്നത് ശ്രദ്ധേയമാണ്.
ALSO READ: കാനഡയിൽ നിന്ന് ഈ വർഷം പുറത്താക്കിയത് ഇത്രയും ഇന്ത്യക്കാരെ; വീണ്ടും ചർച്ചയായി കണക്കുകൾ
2027-ലെ ഏറ്റവും സുരക്ഷിതമായ 10 രാജ്യങ്ങൾ:
കാനഡ
ന്യൂസിലാൻഡ്
ഓസ്ട്രേലിയ
ഐസ്‌ലാൻഡ്
ജപ്പാൻ
ഓസ്ട്രിയ
അയർലൻഡ്
നെതർലാൻഡ്സ്
ഡെൻമാർക്ക്
പോർച്ചുഗൽ
കഴിഞ്ഞ പത്ത് വർഷമായി ബെർക്‌ഷയർ ഹാത്ത്‌വേ ഈ സർവേ റിപ്പോർട്ടുകൾ പ്രസിദ്ധീകരിച്ചു വരുന്നു. ഇത്തവണ ഡെൻമാർക്ക്, നോർവേ, സ്വീഡൻ തുടങ്ങിയ സ്കാൻഡിനേവിയൻ രാജ്യങ്ങൾ റാങ്കിംഗിൽ മികച്ച മുന്നേറ്റം കാഴ്ചവെച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
