ഒന്റാരിയോ; കടുത്ത കാലാവസ്ഥ വ്യതിയാനവും, സൈബർ ആക്രമണങ്ങളും മൂലം ഉണ്ടാകുന്ന അടിയന്തര സാഹചര്യങ്ങൾ നേരിടാൻ ജനങ്ങൾ കുറഞ്ഞത് മൂന്ന് ദിവസത്തേക്ക് ആവശ്യമായ വെള്ളവും ഭക്ഷണവും കരുതണമെന്ന് കാനഡ, യുകെ, ഫ്രാൻസ്, ജപ്പാൻ എന്നീ രാജ്യങ്ങൾ മുന്നറിയിപ്പ് നൽകി. പ്രതിസന്ധി ഘട്ടങ്ങളിൽ മൂന്ന് ദിവസത്തേക്ക് സ്വന്തം കാര്യം നോക്കാൻ പൗരന്മാർ പ്രാപ്തരായിരിക്കണമെന്ന് ഒക്ടോബർ അവസാനത്തിൽ നടന്ന വിവിധ ഔദ്യോഗിക പ്രഖ്യാപനങ്ങളിൽ വ്യക്തമാക്കുന്നു.
പ്രകൃതിദുരന്തങ്ങളും പ്രധാന അടിസ്ഥാന സൗകര്യങ്ങൾക്ക് നേരെ വർധിച്ചുവരുന്ന സൈബർ ആക്രമണങ്ങളും മൂലം സഹായം വൈകാൻ സാധ്യതയുള്ളതിനാലാണ് ഈ മുൻകരുതൽ. യുകെയിൽ ‘ബി റെഡി’ കാമ്പെയ്ൻ ആരംഭിച്ചതിന് പിന്നാലെ അവശ്യ സാധനങ്ങളുടെ വിൽപന കൂടിയിട്ടുണ്ട്. 72 മണിക്കൂർ എന്നത് ചെറിയൊരു സമയമാണെന്നും, സഹായം എത്താൻ വൈകിയേക്കാമെന്നതിനാൽ ഒരാഴ്ചത്തേക്കുള്ള സാധനങ്ങൾ കരുതണമെന്നും ദുരന്ത നിവാരണ വിദഗ്ധർ നിർദേശിക്കുന്നു.
Also Read: അമേരിക്കയിൽ ഡെമോക്രാറ്റ് മുന്നേറ്റം: ഇരുസഭകളും തിരിച്ചുപിടിച്ചു; ട്രംപിന് കനത്ത തിരിച്ചടി
ദുരന്തങ്ങൾ എപ്പോൾ വേണമെങ്കിലും സംഭവിക്കാമെന്നതിനാൽ ജനങ്ങൾ കാത്തിരിക്കാതെ ഇപ്പോൾ തന്നെ തയ്യാറെടുപ്പുകൾ നടത്തണമെന്നാണ് അധികൃതരുടെ പക്ഷം. വ്യക്തിഗത തയ്യാറെടുപ്പുകൾക്കൊപ്പം പ്രാദേശിക തലത്തിലുള്ള കൂട്ടായ്മകളും ശക്തമാക്കണമെന്ന് വിദഗ്ധർ ഓർമിപ്പിക്കുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
