ഒന്റാരിയോ; കാനഡയിൽ പാരമ്പര്യമായി (Citizenship by descent) പൗരത്വം ലഭിച്ചവർക്ക് തങ്ങളുടെ പങ്കാളിയെ സ്പോൺസർ ചെയ്ത് രാജ്യത്തേക്ക് കൊണ്ടുവരാൻ വഴിയൊരുങ്ങുന്നു. എന്നാൽ ഈ പൗരത്വം നേരിട്ട് പങ്കാളിക്ക് ലഭിക്കില്ല. പകരം, സ്പോൺസർഷിപ്പ് വഴി അവർക്ക് കാനഡയിൽ സ്ഥിരതാമസത്തിനുള്ള (Permanent Residence – PR) അനുമതി നേടാനാകും. കാനഡയ്ക്ക് പുറത്ത് താമസിക്കുന്ന കനേഡിയൻ പൗരന്മാർക്കും തങ്ങളുടെ പങ്കാളിയെ കൂടെക്കൂട്ടാൻ ഈ അവസരം പ്രയോജനപ്പെടുത്താം.
ഈ ആനുകൂല്യം ലഭിക്കുന്നതിനായി സ്പോൺസർ ചെയ്യുന്ന വ്യക്തിക്ക് കുറഞ്ഞത് 18 വയസ്സ് പൂർത്തിയായിരിക്കണം. അതോടൊപ്പം പങ്കാളിയുടെയും ആശ്രിതരുടെയും അടിസ്ഥാന ആവശ്യങ്ങൾ നിറവേറ്റാനുള്ള സാമ്പത്തിക ഭദ്രത തെളിയിക്കുകയും വേണം.
നിലവിൽ കാനഡയ്ക്ക് പുറത്ത് കഴിയുന്ന പൗരന്മാരാണെങ്കിൽ, പങ്കാളിക്ക് പി.ആർ ലഭിക്കുന്നതോടെ കാനഡയിലേക്ക് താമസം മാറ്റുമെന്ന ഉറപ്പും നൽകേണ്ടതുണ്ട്. നിയമപരമായി വിവാഹം കഴിച്ചവർക്ക് പുറമെ കോമൺ-ലോ, കോൺജുഗൽ പങ്കാളികൾക്കും ഈ രീതിയിൽ സ്പോൺസർഷിപ്പിന് അർഹതയുണ്ടായിരിക്കും.
അപേക്ഷകർ കാനഡയ്ക്ക് ഉള്ളിലാണോ പുറത്താണോ എന്നതിനെ ആശ്രയിച്ച് ഇൻലാന്റ്, ഔട്ട്ലാന്റ് എന്നിങ്ങനെ രണ്ട് രീതികളിലാണ് സ്പോൺസർഷിപ്പ് പ്രോസസ് ചെയ്യുന്നത്.
ALSO READ ; സ്റ്റഡി പെർമിറ്റില്ലാതെ 6 മാസം പഠിക്കാം: കാനഡയിൽ താൽക്കാലിക തൊഴിലാ; മലയാളികൾക്ക് പുതിയ നയവുമായി കാനഡ
കാനഡയ്ക്കുള്ളിൽ വെച്ച് അപേക്ഷിക്കുന്നവർക്ക് പ്രോസസിംഗ് സമയത്ത് തന്നെ ജോലി ചെയ്യാനുള്ള ഓപ്പൺ വർക്ക് പെർമിറ്റും ലഭ്യമാകും. എന്നാൽ ക്യുബെക് പ്രവിശ്യയിലാണ് താമസിക്കാൻ ഉദ്ദേശിക്കുന്നതെങ്കിൽ കേന്ദ്ര സർക്കാരിന്റെ അനുമതിക്ക് പുറമെ പ്രവിശ്യാ സർക്കാരിന്റെ പ്രത്യേക ഇമിഗ്രേഷൻ പരിശോധനകളും പൂർത്തിയാക്കേണ്ടതുണ്ട്. വിശദമായ അപേക്ഷാ ഫോമുകളും വിവരങ്ങളും ഇമിഗ്രേഷൻ വകുപ്പിന്റെ ഔദ്യോഗിക വെബ്സൈറ്റിൽ ലഭ്യമാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
