ഗുവാഹട്ടി: ചെന്നൈ സൂപ്പർ കിങ്സ് ആരാധകർക്ക് നിരാശ സമ്മാനിച്ച് സഞ്ജു സാംസണിന്റെ അരങ്ങേറ്റ മത്സരം. ഐപിഎൽ ചരിത്രത്തിലെ തന്റെ പുതിയ അധ്യായത്തിന് തുടക്കം കുറിച്ച മത്സരത്തിൽ, പഴയ ടീമായ രാജസ്ഥാൻ റോയൽസിനെതിരെ വെറും ആറ് റൺസ് മാത്രമെടുത്ത് സഞ്ജു പുറത്തായി. ഗുവാഹട്ടിയിൽ നടന്ന ആവേശകരമായ പോരാട്ടത്തിൽ ദക്ഷിണാഫ്രിക്കൻ പേസർ നാന്ദ്രേ ബർഗറാണ് സഞ്ജുവിന്റെ ഓഫ് സ്റ്റമ്പ് തെറിപ്പിച്ചത്.
മത്സരത്തിന്റെ തുടക്കത്തിൽ ആരാധകർക്ക് പ്രതീക്ഷ നൽകുന്ന പ്രകടനമായിരുന്നു സഞ്ജുവിന്റേത്. ജോഫ്ര ആർച്ചർ എറിഞ്ഞ ആദ്യ ഓവറിൽ മനോഹരമായ ഒരു ഫോർ നേടി അദ്ദേഹം ഫോമിലാണെന്ന സൂചന നൽകി. എന്നാൽ രണ്ടാം ഓവറിൽ നാന്ദ്രേ ബർഗറുടെ അതിവേഗ പന്തിന് മുന്നിൽ സഞ്ജുവിന് അടിതെറ്റി. മണിക്കൂറിൽ 140.2 കിലോമീറ്റർ വേഗതയിൽ എത്തിയ പന്ത് പ്രതിരോധിക്കാൻ ശ്രമിച്ചെങ്കിലും സഞ്ജു പൂർണ്ണമായും പരാജയപ്പെടുകയായിരുന്നു. ഏഴ് പന്തുകൾ നേരിട്ട സഞ്ജു ഒരു ബൗണ്ടറിയടക്കം ആറ് റൺസുമായി മടങ്ങി.
സഞ്ജുവിന്റെ പുറത്താകൽ ചെന്നൈ ക്യാമ്പിനെ കടുത്ത സമ്മർദ്ദത്തിലാക്കി. മൂന്ന് ഓവർ പിന്നിടുമ്പോഴേക്കും പ്രധാനപ്പെട്ട മൂന്ന് വിക്കറ്റുകൾ നഷ്ടമായ ചെന്നൈക്ക് തുടക്കത്തിൽ തന്നെ തിരിച്ചടി നേരിട്ടു. രാജസ്ഥാൻ റോയൽസ് വിട്ട് ചെന്നൈയുടെ മഞ്ഞക്കുപ്പായമണിഞ്ഞ സഞ്ജുവിൽ നിന്ന് വലിയൊരു ഇന്നിങ്സ് പ്രതീക്ഷിച്ചിരുന്ന ആരാധകർക്ക് ഈ നിരാശ താങ്ങാനാവുന്നതിലും അപ്പുറമായിരുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Sanju Samson dismissed for 6 runs against Rajasthan Royals
