ന്യൂഡൽഹി: ഡൽഹി ക്യാപിറ്റൽസ് ഉയർത്തിയ 265 റൺസ് എന്ന കൂറ്റൻ വിജയലക്ഷ്യം ഏഴു പന്ത് ബാക്കിനിൽക്കെ മറികടന്ന് പഞ്ചാബ് കിങ്സ് ഐപിഎല്ലിൽ അവിശ്വസനീയ കുതിപ്പ് തുടരുന്നു. ട്വന്റി20 ക്രിക്കറ്റ് ചരിത്രത്തിലെ തന്നെ ഏറ്റവും ഉയർന്ന റൺചേസ് വിജയമാണിത്. ടോസ് നേടി ആദ്യം ബാറ്റിങ്ങിനിറങ്ങിയ ഡൽഹി, ഓപ്പണർ കെ.എൽ. രാഹുലിന്റെ റെക്കോർഡ് പ്രകടനത്തിന്റെ (67 പന്തിൽ 152) കരുത്തിലാണ് 20 ഓവറിൽ 264 റൺസെടുത്തത്. ഐപിഎല്ലിൽ ഒരു ഇന്ത്യൻ താരം നേടുന്ന ഏറ്റവും ഉയർന്ന സ്കോറെന്ന റെക്കോർഡും ഇതോടെ രാഹുൽ സ്വന്തമാക്കി. നിതീഷ് റാണ 91 റൺസെടുത്ത് മികച്ച പിന്തുണ നൽകി.
എന്നാൽ മറുപടി ബാറ്റിങ്ങിൽ പഞ്ചാബ് അക്ഷരാർത്ഥത്തിൽ ഡൽഹിയെ വിറപ്പിച്ചു. വെറും 5.2 ഓവറിൽ 100 റൺസ് പിന്നിട്ട പഞ്ചാബ്, പവർപ്ലേയിൽ വിക്കറ്റ് നഷ്ടമില്ലാതെ 116 റൺസാണ് അടിച്ചുകൂട്ടിയത്. മറുപടി ബാറ്റിങ്ങിൽ ഓപ്പണർ പ്രബ്സിമ്രൻ സിങ്ങാണ് പഞ്ചാബിന്റെ ടോപ് സ്കോറർ. 26 പന്തുകൾ നേരിട്ട പ്രബ്സിമ്രൻ 76 റൺസടിച്ചു. 36 പന്തുകൾ നേരിട്ട ക്യാപ്റ്റൻ ശ്രേയസ് അയ്യർ 71 റൺസുമായി പുറത്താകാതെനിന്നു. ഏഴു സിക്സുകളും മൂന്നു ഫോറുകളുമാണ് അയ്യർ ബൗണ്ടറി കടത്തിയത്. പ്രിയൻഷ് ആര്യ (17 പന്തിൽ 43), നേഹൽ വധേര (15 പന്തിൽ 25), ശശാങ്ക് സിങ് (10 പന്തിൽ 19) എന്നിവരാണ് പഞ്ചാബിന്റെ മറ്റു പ്രധാന സ്കോറർമാർ.
ഈ സീസണിൽ കളിച്ച ഏഴ് മത്സരങ്ങളിൽ ആറിലും ജയിച്ച പഞ്ചാബ് നിലവിൽ 13 പോയിന്റുമായി പട്ടികയിൽ ഒന്നാം സ്ഥാനത്താണ്. അതേസമയം, ഹോം ഗ്രൗണ്ടിലെ വമ്പൻ തോൽവി ഡൽഹിയെ പോയിന്റ് പട്ടികയിൽ ആറാം സ്ഥാനത്തേക്ക് തള്ളിയിട്ടു.
Delhi Capitals vs Punjab Kings Match
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
