ഹാലിഫാക്സ്: നോവ സ്കോഷ്യ നിന്നും രണ്ട് കുട്ടികളെ കാണാതായിട്ട് ഒരു വർഷം തികയുമ്പോഴും അന്വേഷണം ഇപ്പോഴും ഇരുട്ടിൽ തപ്പുന്നു. 2025 മെയ് 2-നാണ് നാല് വയസ്സുകാരൻ ജാക്ക് സള്ളിവനെയും ആറ് വയസ്സുകാരി ലില്ലി സള്ളിവനെയും തങ്ങളുടെ വീടിനടുത്തുള്ള വനപ്രദേശത്ത് നിന്ന് കാണാതാകുന്നത്.
ഹെലികോപ്റ്ററുകൾ, ഡ്രോണുകൾ, തെർമൽ സെൻസറുകൾ, മുങ്ങൽ വിദഗ്ധർ എന്നിവരെയെല്ലാം ഉപയോഗിച്ച് മാസങ്ങളോളം തിരച്ചിൽ നടത്തിയെങ്കിലും ലില്ലിയുടെ പിങ്ക് പുതപ്പിന്റെ കഷ്ണങ്ങളും ചില ബൂട്ട് അടയാളങ്ങളും മാത്രമാണ് കണ്ടെത്താനായത്. കുട്ടികൾ വനത്തിനുള്ളിൽ വഴിതെറ്റിപ്പോയതാകാമെന്ന നിഗമനത്തിലാണ് പോലീസെങ്കിലും, ഇത്രയും ചെറിയ കുട്ടികൾക്ക് അധികദൂരം നടന്നുപോകാൻ കഴിയില്ലെന്ന വിദഗ്ധരുടെ അഭിപ്രായം നിഗൂഢത വർദ്ധിപ്പിക്കുന്നു.
അതിനിടെ, കുട്ടികളുടെ രണ്ടാനച്ഛനായ ഡാനിയൽ മാർട്ടലിനെ മറ്റൊരു കേസിൽ പോലീസ് അറസ്റ്റ് ചെയ്തത് സംഭവത്തിന് പുതിയ മാനങ്ങൾ നൽകിയിട്ടുണ്ട്. എന്നാൽ ഈ അറസ്റ്റിന് കുട്ടികളുടെ തിരോധാനവുമായി നിലവിൽ ബന്ധമൊന്നുമില്ലെന്നാണ് ആർ.സി.എം.പി (RCMP) വ്യക്തമാക്കുന്നത്.
പ്രവിശ്യ സർക്കാർ കുട്ടികളെക്കുറിച്ച് വിവരം നൽകുന്നവർക്ക് 1.5 ലക്ഷം ഡോളർ പ്രതിഫലം പ്രഖ്യാപിച്ചിട്ടുണ്ട്. ആരെങ്കിലും മനസ്സ് തുറന്നാൽ മാത്രമേ തന്റെ കൊച്ചുമക്കളെ കണ്ടെത്താൻ കഴിയൂ എന്ന് കുട്ടികളുടെ ഗ്രാന്റ് മദറായ ബെലിൻഡ ഗ്രേ പറഞ്ഞു. കുട്ടികൾക്കായി ഇന്നും പ്രാർത്ഥനയോടെ കാത്തിരിക്കുകയാണ് ഒരു നാട് മുഴുവൻ.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
One year later, RCMP saying little about disappearance of two Nova Scotia children
