ന്യൂഫൗണ്ട്ലാൻഡ് ആൻഡ് ലാബ്രഡോർ പ്രവിശ്യയുടെ ഏറ്റവും പുതിയ എക്സ്പ്രഷൻ ഓഫ് ഇന്റർസ്റ്റ് (EOI) നറുക്കെടുപ്പ് ഫലങ്ങൾ പുറത്തുവന്നു. സെപ്റ്റംബർ 10-ന് നടന്ന ഡ്രോയിൽ പ്രൊവിൻഷ്യൽ നോമിനി പ്രോഗ്രാമിന് (NLPNP) കീഴിൽ യോഗ്യരായ 36 ഉദ്യോഗാർത്ഥികൾക്കാണ് ഓഫീസ് ഓഫ് ഇമിഗ്രേഷൻ ആൻഡ് മൾട്ടിക്കൾച്ചറിസം (OIM) അപേക്ഷിക്കാനുള്ള ക്ഷണം (ITA) നൽകിയത്.
സെപ്റ്റംബർ മാസത്തിൽ പ്രവിശ്യ നടത്തുന്ന രണ്ടാമത്തെ റൗണ്ട് നറുക്കെടുപ്പാണിത്. സെപ്റ്റംബർ 4-ന് നടന്ന റൗണ്ടിൽ 97 പേർക്കും ക്ഷണം ലഭിച്ചിരുന്നു. ഇതോടെ, സെപ്റ്റംബറിലെ ആദ്യ പത്തു ദിവസങ്ങൾക്കുള്ളിൽ മാത്രം NLPNP കാറ്റഗറിയിലൂടെ ആകെ 133 പേർക്ക് സ്ഥിരതാമസ അപേക്ഷ സമർപ്പിക്കാനുള്ള വഴിതുറന്നു.
പ്രവിശ്യയുടെ സാമ്പത്തിക, തൊഴിൽ വിപണി ആവശ്യങ്ങൾ മുൻനിർത്തി നിശ്ചയിച്ചിട്ടുള്ള മുൻഗണനാ മാനദണ്ഡങ്ങൾ അടിസ്ഥാനമാക്കിയാണ് ഒ.ഐ.എം. ഉദ്യോഗാർത്ഥികളെ തെരഞ്ഞെടുക്കുന്നത്. പ്രൊവിൻഷ്യൽ നോമിനി പ്രോഗ്രാം (NLPNP), അറ്റ്ലാന്റിക് ഇമിഗ്രേഷൻ പ്രോഗ്രാം (AIP) എന്നിവ വഴി രജിസ്റ്റർ ചെയ്ത് കാത്തിരിക്കുന്നവർക്ക് വലിയ ആശ്വാസമാണ് തുടർച്ചയായുള്ള ഈ സെലക്ഷൻ റൗണ്ടുകൾ നൽകുന്നത്. സുതാര്യത ഉറപ്പാക്കുന്നതിനായി അതാത് ഘട്ടങ്ങളിലെ ഡ്രോ വിവരങ്ങൾ ഒ.ഐ.എം. ഔദ്യോഗികമായി പുതുക്കാറുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
