ന്യൂഫൗണ്ട്ലാന്റ് ആൻഡ് ലാബ്രഡോർ: ന്യൂഫൗണ്ട്ലാന്റ് ആൻഡ് ലാബ്രഡോർ ഓഫീസ് ഓഫ് ഇമിഗ്രേഷൻ സെപ്റ്റംബർ 18-ന് നടന്ന നറുക്കെടുപ്പിൽ 62 വിദേശ തൊഴിലാളികൾക്ക് പ്രൊവിൻഷ്യൽ ഇമിഗ്രേഷനായി ഇൻവിറ്റേഷൻ ലഭിച്ചു. ഇതിൽ 61 ക്ഷണങ്ങൾ പ്രൊവിൻഷ്യൽ നോമിനി പ്രോഗ്രാം (NLPNP) വഴിയും, ഒരെണ്ണം അറ്റ്ലാന്റിക് ഇമിഗ്രേഷൻ പ്രോഗ്രാം (AIP) വഴിയുമാണ് നൽകിയത്. 2025 ഫെബ്രുവരിയിൽ പ്രവിശ്യ Expression of Interest (EOI) മാതൃകയിലേക്ക് മാറിയതിനു ശേഷം AIP ഉൾപ്പെടുന്ന നറുക്കെടുപ്പുകളിൽ രേഖപ്പെടുത്തുന്ന ഏറ്റവും കുറഞ്ഞ സംഖ്യയാണിത്. ക്ഷണം ലഭിച്ചവർക്ക് നോമിനേഷനോ എൻഡോഴ്സ്മെന്റോ ലഭിക്കുന്നതിനായി 60 ദിവസത്തിനുള്ളിൽ പൂർണ്ണമായ അപേക്ഷ സമർപ്പിക്കാം. തുടർന്ന് വിജയിക്കുന്നവർക്ക് കനേഡിയൻ സർക്കാരിന് സ്ഥിരതാമസത്തിന് (PR) അപേക്ഷ നൽകാം.
2026 ജൂൺ 9 മുതൽ നിലവിൽ വന്ന പുതിയ താൽക്കാലിക നിയമപ്രകാരം, ബേസ് PNP വഴി PR-ന് അപേക്ഷിക്കുന്നവർക്ക് അക്നോളജ്മെന്റ് ഓഫ് റെസിപ്റ്റ് ലഭിക്കുന്നതിന് മുൻപ് തന്നെ ബ്രഡ്ജിംഗ് ഓപ്പൺ വർക്ക് പെർമിറ്റിന് അപേക്ഷിക്കാൻ സാധിക്കും. അപേക്ഷ പ്രൊസസിങ് ഘട്ടത്തിലിരിക്കെ നിലവിലെ വർക്ക് പെർമിറ്റ് കാലാവധി കഴിഞ്ഞാലും അപേക്ഷകർക്ക് കാനഡയിൽ തുടരുന്നിടത്തോളം കാലം ‘Maintained Status’ ആനുകൂല്യത്തോടെ ജോലി തുടരാം. എന്നാൽ AIP അപേക്ഷകർക്ക് ഈ ആനുകൂല്യം ലഭിക്കില്ല, പകരം ഇവർക്ക് രണ്ട് വർഷത്തെ എംപ്ലോയർ-സ്പെസിഫിക് വർക്ക് പെർമിറ്റിന് യോഗ്യതയുണ്ടായിരിക്കും.
2026-ൽ ഇതുവരെ നടന്ന 15 നറുക്കെടുപ്പുകളിലൂടെ ആകെ 2,654 ക്ഷണങ്ങളാണ് പ്രവിശ്യ നൽകിയിട്ടുള്ളത്. ഇതിൽ 2,259 എണ്ണം NLPNP വഴിയും 395 എണ്ണം AIP വഴിയുമാണ്. ഈ വർഷം കനേഡിയൻ കേന്ദ്ര സർക്കാർ പ്രവിശ്യയ്ക്ക് അനുവദിച്ചിട്ടുള്ള 2,854 ഒഴിവുകളിൽ 2,379 എണ്ണം NLPNP-ക്കും 475 എണ്ണം AIP-ക്കുമാണ് മാറ്റിവെച്ചിരിക്കുന്നത്.
Also Read: ആൽബർട്ട റഫറണ്ടത്തിന് ഒരു മാസം മാത്രം: പ്രചാരണത്തിൽ വേർപിരിയൽ പക്ഷം മുന്നിൽ
തിരഞ്ഞെടുപ്പ് പ്രക്രിയയുടെ ഭാഗമായി അപേക്ഷകർ ഇവിടുത്തെ യോഗ്യതാ മാനദണ്ഡങ്ങൾ പാലിക്കുകയും EOI പ്രൊഫൈൽ സമർപ്പിക്കുകയും വേണം. സംരംഭക സ്ട്രീമുകൾ ഒഴികെയുള്ള എല്ലാ പാത്ത്വേകൾക്കും ജോബ് ഓഫർ നിർബന്ധമാണ്. ആരോഗ്യമേഖലയിലെ തൊഴിൽ, പ്രധാന നഗരങ്ങൾക്ക് പുറത്തുള്ള ജോലി, പ്രവിശ്യയിലെ വിദ്യാഭ്യാസ യോഗ്യത എന്നിവയുള്ളവർക്ക് തിരഞ്ഞെടുപ്പിൽ മുൻഗണന ലഭിക്കും. സെപ്റ്റംബർ 4-ലെ കണക്കനുസരിച്ച് സ്ഥിരതാമസത്തിനായുള്ള നിലവിലെ പ്രൊസസിങ് സമയം ബേസ് PNP-ക്ക് 13 മാസവും, എൻഹാൻസ്ഡ് PNP-ക്ക് 7 മാസവും, AIP-ക്ക് 26 മാസവുമാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
