സസ്കാച്ചെവാൻ; സസ്കാച്ചെവാൻ-റെജീന നഗരങ്ങൾക്കിടയിൽ വിമാന സർവീസ് വീണ്ടും തുടങ്ങാനുള്ള നീക്കങ്ങൾ സജീവമാകുന്നു. കോവിഡ് മഹാമാരിയുടെ സമയത്ത് നിർത്തിവെച്ച ഈ റൂട്ട് പുനരാരംഭിക്കാൻ ബിസിനസ് രംഗത്തുള്ളവർ ശക്തമായ പിന്തുണ നൽകുന്നതാണ് ഇതിന് പ്രധാന കാരണം. ഈ പുതിയ നീക്കത്തിലൂടെ പ്രവിശ്യയിലെ പ്രധാന സാമ്പത്തിക കേന്ദ്രങ്ങളെ വേഗത്തിൽ ബന്ധിപ്പിക്കാൻ കഴിയുമെന്നാണ് പ്രതീക്ഷ.
ഇരു നഗരങ്ങളിലെയും വാണിജ്യ സംഘടനകൾ ചേർന്ന് നടത്തിയ ഒരു സർവേയിൽ ഈ കാര്യങ്ങൾ വ്യക്തമായി.
സർവേയിൽ പങ്കെടുത്ത 94 ശതമാനം ആളുകളും, വിമാന സർവീസ് ലഭ്യമായാൽ തീർച്ചയായും ഉപയോഗിക്കുമെന്ന് അഭിപ്രായപ്പെട്ടു. ഇതിൽ 60 ശതമാനം പേർ സ്ഥിരമായി സർവീസ് ഉപയോഗിക്കാൻ തയ്യാറാണെന്നും അറിയിച്ചു. ഒരു ടിക്കറ്റിന് 500 ഡോളർ വരെ നൽകാൻ തയ്യാറാണെന്ന് 76 ശതമാനം പേർ പറഞ്ഞത്, ഈ റൂട്ടിൽ നല്ല ഡിമാൻഡ് ഉണ്ട് എന്ന് സൂചിപ്പിക്കുന്നു.
സസ്കറ്റൂണും റജീനയും പ്രവിശ്യയിലെ ഏറ്റവും വലിയ രണ്ട് സാമ്പത്തിക ഹബ്ബുകളാണ്. ബിസിനസ് ആവശ്യങ്ങൾക്കായി ആളുകൾക്ക് പരസ്പരം കാണേണ്ടത് അത്യാവശ്യമാണ്. എന്നാൽ തണുപ്പുള്ള ശീതകാലത്ത് ഹൈവേ 11 (Highway 11) വഴിയുള്ള റോഡ് യാത്ര അപകടകരവും വളരെയധികം സമയം എടുക്കുന്നതുമാണ്. ഈ സാഹചര്യത്തിൽ, നേരിട്ടുള്ള ചർച്ചകൾക്കായി വിമാനയാത്രയാണ് സുരക്ഷിതവും എളുപ്പവുമെന്നും ബിസിനസ് നേതാക്കൾ അഭിപ്രായപ്പെടുന്നു. ഓൺലൈൻ മീറ്റിംഗുകൾ വ്യാപകമായെങ്കിലും, പ്രധാനപ്പെട്ട തീരുമാനങ്ങൾക്ക് മുഖാമുഖമുള്ള കൂടിക്കാഴ്ചകൾ വേണം എന്ന നിലപാടാണ് ഇവർക്കുള്ളത്.
ഈ റൂട്ടിൽ 9 മുതൽ 20 വരെ യാത്രക്കാരെ ഉൾക്കൊള്ളാൻ കഴിയുന്ന ചെറിയ വിമാനങ്ങളാകും ഉപയോഗിക്കാൻ സാധ്യത. യാത്രക്കാർക്ക് വേഗത്തിൽ സുരക്ഷാ പരിശോധന പൂർത്തിയാക്കി കയറാൻ സാധിക്കുന്ന ലളിതമായ സംവിധാനം ഒരുക്കാനും വിമാനത്താവള അധികൃതർ ആലോചിക്കുന്നുണ്ട്. സർവീസ് തുടങ്ങാൻ താൽപ്പര്യമുള്ള സ്വകാര്യ എയർലൈൻ കമ്പനികൾക്ക് ചില ഇളവുകൾ നൽകാൻ റജീന വിമാനത്താവള അധികൃതർ തയ്യാറാണ്. എങ്കിലും, ഈ റൂട്ട് ലാഭകരമാകുമോ എന്ന് പരിശോധിച്ച്, വിമാനക്കമ്പനികളാണ് ഈ സർവീസ് വീണ്ടും തുടങ്ങുന്നതിനെക്കുറിച്ചുള്ള അന്തിമ തീരുമാനം എടുക്കേണ്ടത്.is-saskatoon-regina-flight-route-reopening-due-to-business-demand
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
