ഈ ബാങ്കിൽ അക്കൗണ്ടുണ്ടോ? സസ്‌കാച്ചെവാനിലെ പ്രമുഖബാങ്കിന്റെ ബ്രാഞ്ച് അടച്ചുപൂട്ടുന്നു!

സസ്‌കാച്ചെവാൻ: സസ്‌കാച്ചെവാനിലെ മെൽവിൽ നഗരവാസികൾക്ക് വലിയ തിരിച്ചടിയായി, അവിടെയുള്ള ബാങ്ക് ഓഫ് മോൺട്രിയൽ (BMO) ബ്രാഞ്ച് 2026 ജൂണിൽ അടച്ചുപൂട്ടാൻ തീരുമാനിച്ചു. 110 വർഷത്തിലേറെ പഴക്കമുള്ള ചരിത്രമാണ് മെൽവിലിലെ ഈ ബാങ്ക് ശാഖയ്ക്കുള്ളത്. ഓൺലൈൻ ബാങ്കിംഗ് സേവനങ്ങൾ വർധിച്ചതോടെ, നേരിട്ടുള്ള ശാഖാ സേവനങ്ങളുടെ ആവശ്യം കുറഞ്ഞുവരുന്നതാണ് അടച്ചുപൂട്ടലിന് പ്രധാന കാരണം. അടുത്തിടെ വെയ്ബേൺ (Weyburn), ഡേവിഡ്സൺ (Davidson) എന്നീ സ്ഥലങ്ങളിലെ BMO ബ്രാഞ്ചുകൾ അടച്ചുപൂട്ടിയതിന് പിന്നാലെയാണ് മെൽവിലിലെ ശാഖയും നിർത്തലാക്കുന്നത്.

മെൽവിലിലെ ഉപഭോക്താക്കളുടെ അക്കൗണ്ടുകൾ 110 കിലോമീറ്റർ അകലെയുള്ള റെജീന (Regina) ശാഖയിലേക്ക് മാറ്റാനാണ് സാധ്യത.സ്ഥിരമായി ബാങ്കിംഗ് ആവശ്യങ്ങൾക്കായി ശാഖകളെ ആശ്രയിക്കുന്ന മുതിർന്ന പൗരന്മാർ, ഡിജിറ്റൽ ബാങ്കിംഗ് സേവനങ്ങളെ ആശ്രയിക്കാത്തവർ, ചെറിയ ബിസിനസ്സുകാർ എന്നിവർക്കാണ് ഈ തീരുമാനം ഏറ്റവും അധികം ബുദ്ധിമുട്ടുണ്ടാക്കുക. കൂടുതൽ വിവരങ്ങൾ ബാങ്ക് അധികൃതർ ഉടൻ തന്നെ ഉപഭോക്താക്കളെ അറിയിക്കുന്നതാണ്.

കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt

Melville to lose its Bank of Montreal branch in 2026