സാസ്കച്ചെവാൻ: പ്രവിശ്യയിൽ പുതിയതായി ഒരാൾക്ക് കൂടി മീസിൽസ് (Measles) സ്ഥിരീകരിക്കുകയും, രോഗിയെ തീവ്രപരിചരണ വിഭാഗത്തിൽ (ICU) പ്രവേശിപ്പിക്കുകയും ചെയ്തതായി ആരോഗ്യ അധികൃതർ അറിയിച്ചു. ഈ വർഷം മീസിൽസ് കാരണം ഐ.സി.യുവിൽ പ്രവേശിപ്പിക്കപ്പെടുന്ന രണ്ടാമത്തെ വ്യക്തിയാണിത്. 55 വയസ്സിന് മുകളിൽ പ്രായമുള്ള വ്യക്തിക്കാണ് നിലവിൽ രോഗം സ്ഥിരീകരിച്ചിരിക്കുന്നത്. ഇദ്ദേഹത്തിന്റെ വാക്സിനേഷൻ നില വ്യക്തമല്ലെന്നാണ് പ്രവിശ്യ നൽകുന്ന ഏറ്റവും പുതിയ റിപ്പോർട്ടിൽ പറയുന്നത്.
ഈ വർഷം മാർച്ച് പകുതിയോടെ മീസിൽസ് പൊട്ടിപ്പുറപ്പെട്ടതിന് ശേഷം ഒക്ടോബർ 22 വരെ സസ്കാച്ചെവാനിൽ ആകെ 96 കേസുകളാണ് സ്ഥിരീകരിച്ചിട്ടുള്ളത്. രോഗം ബാധിച്ചവരിൽ പത്ത് പേരെ ആശുപത്രിയിൽ പ്രവേശിപ്പിക്കുകയും രണ്ടുപേർക്ക് തീവ്രപരിചരണം ആവശ്യമായി വരികയും ചെയ്തു. എന്നിരുന്നാലും, ഈ വർഷം ഇതുവരെ അഞ്ചാംപനി ബാധിച്ച് മരണങ്ങളൊന്നും റിപ്പോർട്ട് ചെയ്തിട്ടില്ലെന്ന് പ്രവിശ്യയുടെ ഡാറ്റ വ്യക്തമാക്കുന്നു. രോഗബാധിതരിൽ ഭൂരിഭാഗവും കുട്ടികളും കൗമാരക്കാരുമാണ്. കൂടാതെ, സ്ഥിരീകരിച്ച കേസുകളിൽ ഏകദേശം 90 ശതമാനവും വാക്സിനെടുക്കാത്തവരിലാണ് കണ്ടെത്തിയത്.
റോഷേൺ (Rosthern), പ്രീസ്വില്ലെ, തിയോഡോർ , ഫോം ലേക് (Foam Lake) തുടങ്ങിയ പ്രദേശങ്ങളിലും പരിസരങ്ങളിലുമുള്ള പ്രതിരോധ കുത്തിവെപ്പ് എടുക്കാത്ത താമസക്കാർക്ക് രോഗം പകരാനുള്ള സാധ്യത കൂടുതലാണ്. ഈ സമൂഹങ്ങളിൽ രോഗം പ്രാദേശികമായി പടരുന്നുണ്ട്, അഥവാ കേസുകളുടെ ഉറവിടം വ്യക്തമല്ലാത്ത കമ്യൂണിറ്റി ട്രാൻസ്മിഷൻ റിപ്പോർട്ട് ചെയ്തിട്ടുണ്ട്. വർദ്ധിച്ചുവരുന്ന കേസുകളുടെ പശ്ചാത്തലത്തിൽ, ചില ശിശുക്കൾക്ക് കൂടി മീസിൽസ് വാക്സിനേഷൻ നൽകാൻ സസ്കാച്ചെവാൻ പ്രവിശ്യ തീരുമാനിച്ചിട്ടുണ്ട്.
പനി, ചുമ, മൂക്കൊലിപ്പ്, കണ്ണുകൾ ചുവക്കുക, പനി തുടങ്ങി ഏതാനും ദിവസങ്ങൾക്കുശേഷം ശരീരത്തിൽ ചുവന്ന പാടുകൾ (തിണർപ്പുകൾ) പ്രത്യക്ഷപ്പെടുക എന്നിവയാണ് മീസിൽസിന്റെ പ്രധാന ലക്ഷണങ്ങൾ. അതിനാൽ, എല്ലാവരും തങ്ങളുടെ വാക്സിനേഷൻ രേഖകൾ പരിശോധിച്ച്, മീസിൽസ്, മംപ്സ്, റുബെല്ല (MMR) വാക്സിന്റെ രണ്ട് ഡോസുകളും കൃത്യമായി എടുത്തിട്ടുണ്ടെന്ന് ഉറപ്പുവരുത്തണമെന്ന് ആരോഗ്യ അധികൃതർ കർശനമായി നിർദ്ദേശിക്കുന്നു. അഞ്ചാംപനിയെക്കുറിച്ചും വാക്സിനേഷൻ സേവനങ്ങളെക്കുറിച്ചുമുള്ള കൂടുതൽ വിവരങ്ങൾ saskatchewan.ca/measles എന്ന വെബ്സൈറ്റിൽ ലഭ്യമാണ്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Measles outbreak in Saskatchewan; Most infections are among unvaccinated people: Figures released
