കാനഡയിലേക്ക് കുടിയേറാൻ ആഗ്രഹിക്കുന്ന ഉദ്യോഗാർത്ഥികൾക്കായുള്ള എക്സ്പ്രസ് എൻട്രിയുടെ ഏറ്റവും പുതിയ നറുക്കെടുപ്പ് വിവരങ്ങൾ പുറത്ത്. കാനഡയിൽ പ്രവൃത്തിപരിചയമുള്ള വിദേശ തൊഴിലാളികൾക്ക് സ്ഥിരതാമസം (Permanent Residency) സ്വന്തമാക്കാൻ മികച്ച അവസരമൊരുക്കുന്ന കനേഡിയൻ എക്സ്പീരിയൻസ് ക്ലാസ് (Canadian Experience Class – CEC) വിഭാഗത്തിലാണ് ഈ പുതിയ ഇൻവിറ്റേഷൻസ് നൽകിയിരിക്കുന്നത്.
2026 സെപ്റ്റംബർ 1-ൽ നടന്ന ഈ നറുക്കെടുപ്പിലൂടെ 2,000 അപേക്ഷകർക്കാണ് അപ്ലിക്കേഷൻ അയക്കാനുള്ള ഇൻവിറ്റേഷൻസ് (ITAs) ലഭിച്ചത്. ഈ റൗണ്ടിൽ പരിഗണിക്കപ്പെടുന്നതിനായി അപേക്ഷകർക്ക് ലഭിക്കേണ്ട കുറഞ്ഞ സിആർഎസ് (CRS) സ്കോർ 521 ആണ്. ഒരേ സ്കോർ വന്നവർക്കായി ടൈ-ബ്രേക്കിംഗ് റൂൾ (Tie-breaking rule) ബാധകമാക്കിയിട്ടുണ്ട്. ഇതുപ്രകാരം 2026 ഓഗസ്റ്റ് 18, UTC സമയം 03:24:13-ന് മുൻപ് പ്രൊഫൈൽ സമർപ്പിച്ചവർക്കാണ് ഇൻവിറ്റേഷൻസ് ലഭിച്ചത്.
കാനഡയിൽ കുറഞ്ഞത് ഒരു വർഷത്തെ തൊഴിൽ പരിചയവും നിശ്ചിത ഭാഷാ നൈപുണ്യവും (Language Proficiency) ഉള്ളവർക്കാണ് സിഇസി സ്ട്രീമിലേക്ക് (Canadian Experience Class) യോഗ്യതയുള്ളത്. ഇൻവിറ്റേഷൻസ് (ITA) ലഭിച്ച അപേക്ഷകർ നിശ്ചിത സമയപരിധിക്കുള്ളിൽ ആവശ്യമായ രേഖകൾ സഹിതം തങ്ങളുടെ പിആർ (PR) അപേക്ഷ പൂർത്തിയാക്കേണ്ടതുണ്ട്. ഇതോടെ 2026-ൽ എക്സ്പ്രസ് എൻട്രി വഴി ആകെ നൽകിയ ITAs 122,427 ആയി ഉയർന്നു. ഇതിൽ CEC വിഭാഗത്തിലൂടെ മാത്രം 51,250 ഇൻവിറ്റേഷനുകളാണ് നൽകിയിട്ടുള്ളത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
Express Entry CEC Draw: Slight drop in CRS score; here are the details of the first draw in September.
