അലാസ്ക: യുഎസ്-കാനഡ അതിർത്തിക്കടുത്തുള്ള വിദൂര മേഖലയിൽ റിക്ടർ സ്കെയിലിൽ 7.0 തീവ്രത രേഖപ്പെടുത്തിയ ശക്തമായ ഭൂചലനം. അലാസ്കയ്ക്കും കനേഡിയൻ പ്രദേശമായ യൂക്കോണിനും ഇടയിലുള്ള മേഖലയിലാണ് ശനിയാഴ്ച ഭൂചലനം അനുഭവപ്പെട്ടത്. അലാസ്കയിലെ ജൂനോയിൽ നിന്ന് ഏകദേശം 370 കിലോമീറ്റർ വടക്കുപടിഞ്ഞാറായും യൂക്കോണിലെ വൈറ്റ്ഹോഴ്സിൽ നിന്ന് 250 കിലോമീറ്റർ പടിഞ്ഞാറായും മാറിയാണ് പ്രഭവകേന്ദ്രം. ഭൂമിക്കടിയിൽ ഏകദേശം 10 കിലോമീറ്റർ (6 മൈൽ) വരെ ആഴത്തിലായിരുന്നു ചലനം. നിലവിൽ നാശനഷ്ടങ്ങളോ ആളപായമോ റിപ്പോർട്ട് ചെയ്തിട്ടില്ല. സുരക്ഷാ ഉദ്യോഗസ്ഥർ സ്ഥിതിഗതികൾ നിരീക്ഷിച്ചുവരികയാണ്.
വൈറ്റ്ഹോഴ്സ് ഉൾപ്പെടെയുള്ള പ്രദേശങ്ങളിൽ ശക്തമായ പ്രകമ്പനം അനുഭവപ്പെട്ടതായി റോയൽ കനേഡിയൻ മൗണ്ടഡ് പോലീസ് സ്ഥിരീകരിച്ചു. നിരവധി ആളുകൾ സോഷ്യൽ മീഡിയയിൽ ഭൂചലനം സംബന്ധിച്ച വിവരം പങ്കുവെച്ചിട്ടുണ്ട്. എന്നാൽ, പ്രധാനമായും പർവതപ്രദേശമായ യൂക്കോൺ മേഖലയിൽ ജനസാന്ദ്രത കുറവായതിനാൽ കാര്യമായ ഘടനാപരമായ നാശനഷ്ടങ്ങൾ റിപ്പോർട്ട് ചെയ്യപ്പെട്ടിട്ടില്ലെന്ന് കാനഡയിലെ നാച്ചുറൽ റിസോഴ്സസിലെ സീസ്മോളജിസ്റ്റ് ആലിസൺ ബേർഡ് അറിയിച്ചു. വസ്തുക്കൾ ഷെൽഫുകളിൽ നിന്നും ചുമരുകളിൽ നിന്നും താഴെ വീണതായി ചിലർ റിപ്പോർട്ട് ചെയ്തിട്ടുണ്ട്. പ്രധാന ഭൂചലനത്തിന് പിന്നാലെ നിരവധി തുടർചലനങ്ങളും പ്രദേശത്ത് അനുഭവപ്പെട്ടു.
Earthquake Of Magnitude 7 Hits Area Near Alaska-Canada Border
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
