ബ്രിട്ടീഷ് കൊളംബിയ പ്രൊവിൻഷ്യൽ നോമിനി പ്രോഗ്രാം (BCPNP) തങ്ങളുടെ ഏറ്റവും പുതിയ നറുക്കെടുപ്പ് ഫലങ്ങൾ പുറത്തുവിട്ടു. ഓഗസ്റ്റ് 20-ന് നടന്ന ഈ ഡ്രോയിലൂടെ ഉയർന്ന വരുമാനവും ഉയർന്ന സ്കോറുമുള്ള അപേക്ഷകരെയാണ് പ്രൊവിൻഷ്യൽ നോമിനേഷനായി ക്ഷണിച്ചത്. പ്രവിശ്യയുടെ “ഇന്നൊവേറ്റ്” (Innovate) ലക്ഷ്യത്തിന്റെ ഭാഗമായി നടപ്പിലാക്കിയ ഈ നറുക്കെടുപ്പ് 2026-ലെ ബ്രിട്ടീഷ് കൊളംബിയയുടെ ഏറ്റവും വലിയ സെലക്ഷൻ റൗണ്ടായിരുന്നു.
ഈ ഡ്രോയിലൂടെ ആകെ 602 ITA (Invitations to Apply) ആണ് വിതരണം ചെയ്തത്. ഉയർന്ന വരുമാനമുള്ള സ്കിൽഡ് വർക്കേഴ്സ് (Skilled Worker) വിഭാഗത്തിലും ഉയർന്ന സ്കോർ നേടിയ അന്താരാഷ്ട്ര വിദ്യാർത്ഥികൾ (International Student) ഉൾപ്പെടെയുള്ള അപേക്ഷകർക്കുമാണ് ക്ഷണങ്ങൾ ലഭിച്ചത്. ഇതിൽ TEER 0–3 ജോബ് ഓഫറും മണിക്കൂറിൽ കുറഞ്ഞത് 55 ഡോളർ ശമ്പളവുമുള്ള 337 പേർക്കും, കുറഞ്ഞത് 132 പോയിന്റ് രജിസ്ട്രേഷൻ സ്കോർ നേടിയ 265 പേർക്കും അവസരം ലഭിച്ചു.
Also Read: ബി.സി പ്രൊവിൻഷ്യൽ നോമിനി പ്രോഗ്രാം: ഹെൽത്ത് കെയർ സപ്പോർട്ട് ജീവനക്കാർക്ക് PR അപേക്ഷ തീയതി നീട്ടി
അപേക്ഷകർ BCPNP ഓൺലൈൻ പോർട്ടൽ വഴി ആദ്യം Expression of Interest (EOI) സമർപ്പിച്ചിരിക്കണം. പ്രവൃത്തിപരിചയം, ഭാഷാ പ്രാവീണ്യം, ജോബ് ഓഫറിലെ ശമ്പളം തുടങ്ങിയ ഘടകങ്ങൾ അടിസ്ഥാനമാക്കിയാണ് റാങ്കിംഗ് തീരുമാനിക്കുന്നത്. നോമിനേഷനായി ക്ഷണം ലഭിക്കുന്ന സ്ഥാനാർഥികൾ 30 ദിവസത്തിനുള്ളിൽ പൂർണ്ണമായ അപേക്ഷ സമർപ്പിക്കേണ്ടതാണ്. അപേക്ഷ അംഗീകരിക്കപ്പെടുന്നവർക്ക് ലഭിക്കുന്ന നോമിനേഷൻ സർട്ടിഫിക്കറ്റ് ഉപയോഗിച്ച് ഫെഡറൽ ഗവൺമെന്റിലേക്ക് സ്ഥിര താമസത്തിനുള്ള (PR) അപേക്ഷ സമർപ്പിക്കാം.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
BCPNP Draw: Here are the details of the draw held on August 20, 2026.
