എഡ്മന്റൺ: ആൽബർട്ട പ്രവിശ്യയിൽ കാനഡയിൽ നിന്ന് വിട്ടുനിൽക്കണമെന്ന വാദങ്ങൾ പൂർണ്ണമായി തള്ളി പ്രീമിയർ ഡാനിയൽ സ്മിത്ത്. അടുത്തിടെ നടന്ന വോട്ടെടുപ്പിൽ 75 ശതമാനത്തിലധികം ജനങ്ങളും രാജ്യത്തിനൊപ്പം നിൽക്കാൻ ആഗ്രഹിക്കുന്നതായി വ്യക്തമാക്കിയ സാഹചര്യത്തിലാണ് പുതിയ പ്രഖ്യാപനം. പാർട്ടിയിലെ ചില നേതാക്കൾ വിഘടനവാദത്തെ അനുകൂലിക്കുന്നുണ്ടെങ്കിലും, ജനവിധിയെ എതിർക്കുന്നവർ പാർട്ടി വിട്ടുപോകണമെന്ന് അവർ വ്യക്തമാക്കി.
തദ്ദേശീയ വോട്ടർമാരുടെ പങ്ക് ഉറപ്പാക്കുന്നതിന്റെ ഭാഗമായി, അടുത്ത വർഷം ഒക്ടോബറിൽ നടക്കുന്ന പ്രവിശ്യാ തിരഞ്ഞെടുപ്പിൽ വോട്ട് ചെയ്യാൻ കനേഡിയൻ പൗരത്വം നിർബന്ധമാക്കുമെന്ന് ഡാനിയൽ സ്മിത്ത് അറിയിച്ചു. ഡ്രൈവിംഗ് ലൈസൻസിൽ പൗരത്വ രേഖപ്പെടുത്തുന്ന സംവിധാനം ഇതിനായി ഉപയോഗപ്പെടുത്തും.
താത്കാലിക തൊഴിലാളികൾക്കുള്ള സാമൂഹിക സേവനങ്ങളിൽ കർശന നിയന്ത്രണങ്ങൾ കൊണ്ടുവരാനും സർക്കാർ ആലോചിക്കുന്നുണ്ട്. അതേസമയം, സ്ഥിര താമസക്കാർക്ക് (PR) നിലവിലെ ആനുകൂല്യങ്ങൾ തുടരുമെന്നും പ്രവിശ്യയിലെ തൊഴിൽ വിപണിക്ക് അനുയോജ്യമായ രീതിയിൽ കുടിയേറ്റ നയങ്ങൾ ക്രമീകരിക്കുമെന്നും സർക്കാർ വ്യക്തമാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/GIh0npbq3d1GgGCL00k37z
