സസ്കറ്റൂൺ: സസ്കറ്റൂണിലെ വർധിച്ചുവരുന്ന ഭവന ആവശ്യകത പരിഹരിക്കുന്നതിനായി, ഫെഡറൽ, പ്രാദേശിക പങ്കാളിത്തത്തോടെ 120 പുതിയ മോഡുലാർ വാടക യൂണിറ്റുകൾ വരുന്നു. മാനസികാരോഗ്യ വെല്ലുവിളികളും വൈകല്യങ്ങളുമുള്ള ആളുകൾക്കായി 16 മുതൽ 20 വരെ യൂണിറ്റുകൾ നീക്കിവെച്ചിട്ടുണ്ട്. ഇതിൽ 9 എണ്ണം കനേഡിയൻ മെന്റൽ ഹെൽത്ത് അസോസിയേഷനുമായി (CMHA) സഹകരിച്ച് പ്രവർത്തിക്കുന്നവർക്കായിരിക്കും. ഫെഡറൽ സർക്കാർ Apartment Construction Loan Program വഴി 38.3 മില്യൺ ഡോളർ കുറഞ്ഞ പലിശ നിരക്കിലുള്ള വായ്പയായി ഈ പദ്ധതിക്ക് ധനസഹായം നൽകുന്നുണ്ട്. ഭവന നിർമ്മാണ രംഗത്തെ ബുദ്ധിമുട്ട് വലുതാണെന്നും, ഇത്തരം പദ്ധതികൾ കൂടുതൽ നിർമ്മാണത്തിന് സഹായിക്കുമെന്നും നാഷണൽ അഫോർഡബിൾ ഹൗസിംഗ് കോർപ്പറേഷൻ (NAHC) സിഇഒ ടൈലർ മാത്യൂസ് പറഞ്ഞു.
അറോറ പോയിന്റ് വികസന സൈറ്റിൽ നിർമ്മിക്കുന്ന ഈ യൂണിറ്റുകൾ 760 മുതൽ 1,250 ചതുരശ്ര അടി വരെ വലുപ്പമുള്ളവയാണ്. വാടക കുറഞ്ഞ യൂണിറ്റുകൾക്ക് പ്രതിമാസം $1,350-ലും, മാർക്കറ്റ് യൂണിറ്റുകൾക്ക് $2,150-ലും തുടങ്ങും. മോഡുലാർ നിർമ്മാണ സാങ്കേതികവിദ്യ ഉപയോഗിക്കുന്നതിനാൽ, സാധാരണ നിർമ്മാണത്തേക്കാൾ വേഗത്തിൽ രണ്ട്-മൂന്ന് വർഷത്തിൽ നിന്ന് ഒരു വർഷമായി പണി പൂർത്തിയാക്കാൻ സാധിക്കുമെന്ന് ബിഗ് ബ്ലോക്ക് കൺസ്ട്രക്ഷൻ സിഇഒ അലക്സ് മില്ലർ അറിയിച്ചു. താങ്ങാനാവുന്ന യൂണിറ്റുകൾക്കൊപ്പം മാർക്കറ്റ് നിരക്കിലുള്ള യൂണിറ്റുകൾ സംയോജിപ്പിക്കുന്ന ‘മിക്സഡ് മാർക്കറ്റ് അഫോർഡബിൾ മോഡൽ’ ആണ് ഇവിടെ പിന്തുടരുന്നത്. ഇത് മാർക്കറ്റ് യൂണിറ്റുകളിൽ നിന്നുള്ള വരുമാനം വഴി കുറഞ്ഞ വാടകയ്ക്ക് യൂണിറ്റുകൾ നൽകാൻ സഹായിക്കുമെന്നും മാത്യൂസ് കൂട്ടിച്ചേർത്തു.
ഭവനക്ഷാമം അതിരൂക്ഷമായ ഈ സമയത്ത്, ആളുകൾക്ക് ഉടൻ വീടുകൾ ആവശ്യമാണെന്ന് CMHA എക്സിക്യൂട്ടീവ് ഡയറക്ടർ ടോണി ക്ലാസൻ അഭിപ്രായപ്പെട്ടു. “ഇതൊരു താമസസ്ഥലം മാത്രമല്ല, സ്വന്തം വീടാണ്,” മാനസികാരോഗ്യ വെല്ലുവിളികളുള്ള ആളുകൾക്ക് നല്ലതും താങ്ങാനാവുന്നതുമായ വീടുകൾ ലഭിക്കുന്നത് നൽകുന്ന ആശ്വാസം അവർ എടുത്തുപറഞ്ഞു. ഭവനരഹിതർക്കും അല്ലെങ്കിൽ കുടിയൊഴിപ്പിക്കൽ ഭീഷണി നേരിടുന്നവർക്കും CMHA തങ്ങളുടെ Supported Independent Living Program വഴി താങ്ങാനാവുന്ന ഭവനങ്ങൾക്ക് മുൻഗണന നൽകുമെന്നും ക്ലാസൻ വ്യക്തമാക്കി. പൊതുഗതാഗത ലഭ്യത പോലുള്ള തടസ്സങ്ങൾ വിലയിരുത്തിയ ശേഷമായിരിക്കും അപേക്ഷകരെ തിരഞ്ഞെടുക്കുക. പുതിയ യൂണിറ്റുകൾ ആറ് മാസത്തിനകം പൂർത്തിയാകുമെന്നാണ് പ്രതീക്ഷ.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Affordable rent: 120 modular units coming to Saskatoon to address housing shortage
