ഓട്ടവ: രാജ്യത്ത് ബിൽ C-3 പ്രകാരം പാരമ്പര്യമായി ലഭിക്കുന്ന കനേഡിയൻ പൗരത്വത്തിനായി (Proof of Canadian Citizenship) അപേക്ഷിക്കുമ്പോൾ ഏറ്റവും നിർണായകമായ ഒരു വിവരണം സമർപ്പിക്കേണ്ടതുണ്ട്. ഔദ്യോഗിക ചെക്ക്ലിസ്റ്റിൽ പ്രത്യേകം എടുത്ത് പറയാറില്ലെങ്കിലും, അപേക്ഷയിലെ വിവരങ്ങളിൽ എന്തെങ്കിലും അപൂർണ്ണതയോ വ്യക്തതക്കുറവോ ഉണ്ടെങ്കിൽ സമർപ്പിക്കേണ്ട രേഖയാണ് ലെറ്റർ ഓഫ് എക്സ്പ്ലനേഷൻ (LOE). ഇമിഗ്രേഷൻ ഓഫീസർക്ക് അപേക്ഷ പരിശോധിക്കുമ്പോൾ ഉണ്ടാകാനിടയുള്ള സംശയങ്ങൾ ദുരീകരിക്കാൻ അപേക്ഷകൻ സ്വയം എഴുതി ഒപ്പിട്ടു നൽകുന്ന കത്താണിത്.
ജനന, മരണ അല്ലെങ്കിൽ വിവാഹ സർട്ടിഫിക്കറ്റുകൾ പോലെയുള്ള അവശ്യ രേഖകൾ സമർപ്പിക്കാൻ സാധിക്കാതെ വരുമ്പോഴും, ഔദ്യോഗിക രേഖകൾ ലഭ്യമാകാത്ത സാഹചര്യത്തിലും ഈ കത്ത് നിർബന്ധമായും അപേക്ഷയ്ക്കൊപ്പം വയ്ക്കണം. അതുപോലെ തന്നെ ഗ്രാന്റ് പേരന്റ്സിന്റെയോ മാതാപിതാക്കളുടെയോ പേരുകളിലെ സ്പെല്ലിംഗ് വ്യത്യാസങ്ങൾ, പഴയകാല രേഖകളിലെ ജനനത്തീയതിയുമായി ബന്ധപ്പെട്ട വൈരുധ്യങ്ങൾ, പ്രായപൂർത്തിയാകാത്ത കുട്ടികളുടെ തിരിച്ചറിയൽ രേഖകളുടെ കുറവ് എന്നിവ പരിഹരിക്കാനും ഈ കത്ത് ഉപയോഗിക്കുന്നു. ഏത് രേഖയ്ക്കാണ് പ്രശ്നമുള്ളതെന്നും, അത് ലഭിക്കാൻ നടത്തിയ ശ്രമങ്ങളും, അതിനു പകരമായി നൽകുന്ന രേഖ ഏതാണെന്നും കത്തിൽ വ്യക്തമായി വിശദീകരിച്ചിരിക്കണം.
Also Read: സെപ്റ്റംബർ 23 മുതൽ 29 വരെ! കാനഡയിലെ 10 പ്രധാന ആനുകൂല്യങ്ങൾ ഉടൻ അക്കൗണ്ടുകളിലേക്ക്
ലഭ്യമായില്ലെന്ന സാക്ഷ്യപത്രമായ ‘നോ-റെക്കോർഡ് ലെറ്റർ’, അപേക്ഷയുടെ പൊതുവായ വിവരം നൽകുന്ന ‘കവർ ലെറ്റർ’ എന്നിവയിൽ നിന്ന് വ്യത്യസ്തമാണ് ലെറ്റർ ഓഫ് എക്സ്പ്ലനേഷൻ. നിലവിൽ ഇത്തരം പൗരത്വ അപേക്ഷകളുടെ പ്രോസസിംഗ് സമയം വളരെ കൂടുതൽ ആയതിനാൽ, അപേക്ഷ തിരികെ അയക്കപ്പെടാതെയും കാലതാമസം ഉണ്ടാകാതെയും ഇരിക്കാൻ ഒരു വ്യക്തമായ LOE സമർപ്പിക്കുന്നത് ഏറെ ഉപകരിക്കും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
