ടൊറന്റോ: ശരീരഭാരം കുറയ്ക്കുന്നതിനുള്ള GLP-1 വിഭാഗത്തിലെ മരുന്നുകളുടെ ആവശ്യകത വർധിച്ചതോടെ കാനഡയിലെ പ്രമുഖ ഗ്രോസറി ശൃംഖലകളുടെ ഫാർമസി വിഭാഗങ്ങൾക്ക് വൻ വരുമാന വളർച്ച രേഖപ്പെടുത്തി. പ്രമേഹ നിയന്ത്രണത്തിനായി പുറത്തിറക്കിയ ഓസെംപിക് ഉൾപ്പെടെയുള്ള സെമാഗ്ലൂട്ടൈഡ് അടങ്ങിയ മരുന്നുകളുടെ വില്പന കഴിഞ്ഞ അവസാന ആറു മാസങ്ങളിൽ 40 ശതമാനം വരെ ഉയർന്നതായി ലോബ്ലോ കോസ്, മെട്രോ ഇൻക് എന്നീ സ്ഥാപനങ്ങൾ വ്യക്തമാക്കി.
ഹെൽത്ത് കാനഡ മൂന്ന് ജനറിക് സെമാഗ്ലൂട്ടൈഡ് ഉൽപ്പന്നങ്ങൾക്ക് അംഗീകാരം നൽകിയതോടെ, സാധാരണക്കാർക്കും കുറഞ്ഞ ചെലവിൽ ഈ ചികിത്സ ലഭ്യമായി തുടങ്ങി. മുൻപ് ഉയർന്ന സാമ്പത്തിക ശേഷിയുള്ളവർ മാത്രം ഉപയോഗിച്ചിരുന്ന ഈ മരുന്നുകൾക്ക് ജനറിക് പതിപ്പുകൾ വന്നതോടെ ആവശ്യക്കാരുടെ എണ്ണം അതിവേഗം ഉയരുകയാണ്. അടുത്തിടെ നടത്തിയ സർവേ പ്രകാരം കാനഡയിൽ 30 ലക്ഷത്തോളം ആളുകൾ നിലവിൽ ഇത്തരം മരുന്നുകൾ ഉപയോഗിക്കുന്നുണ്ട്.
Also Read: ‘ഇന്ത്യ – കാനഡ നയതന്ത്രബന്ധം പഴയതിലും ശക്തം’; പ്രതീക്ഷ പങ്കുവെച്ച് ഇന്ത്യയിലെ കനേഡിയൻ ഹൈക്കമ്മീഷണർ
ഉപഭോക്താക്കളുടെ ആവശ്യകത പരിഗണിച്ച് കൂടുതൽ ഫാർമസി സ്റ്റോറുകൾ ആരംഭിക്കാനും കഴിക്കേണ്ട ഭക്ഷണത്തെക്കുറിച്ചുള്ള വിവരങ്ങൾ നൽകാനും ഗ്രോസറി ശൃംഖലകൾ തീരുമാനിച്ചിട്ടുണ്ട്. മരുന്ന് ഉപയോഗിക്കുന്നവരുടെ കുടുംബാംഗങ്ങളുടെ ഭക്ഷണരീതിയിലും ഷോപ്പിംഗ് ശീലങ്ങളിലും മാറ്റം വരുന്നതിനാൽ, കമ്പനികൾ ഓൺലൈൻ വെയിറ്റ് മാനേജ്മെന്റ് സേവനങ്ങളും കുറഞ്ഞ നിരക്കിലുള്ള ഹെൽത്ത് ആപ്പുകളും വികസിപ്പിച്ചുവരികയാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
