ഹാലിഫാക്സ്: നോവ സ്കോഷ്യയിലുള്ള ലോവർ സാക്വില്ലെയിലുണ്ടായ തീപിടുത്തത്തിൽ മൂന്ന് പേർ മരിച്ചു. ശനിയാഴ്ച പുലർച്ചെ നാല് മണിയോടെ മാനർ ഡ്രൈവിലെ ഒരു വീടിനാണ് തീപിടിച്ചത്. 38-ഉം 73-ഉം വയസ്സുള്ള രണ്ട് സ്ത്രീകളും 43 വയസ്സുള്ള പുരുഷനുമാണ് മരിച്ചത്.
സംഭവസ്ഥലത്തെത്തിയ പോലീസ് വീടിനുള്ളിൽ കടക്കാൻ ശ്രമിച്ചെങ്കിലും കനത്ത പുകയും ചൂടും കാരണം പിന്തിരിയേണ്ടി വന്നു. തുടർന്ന് ഹാലിഫാക്സ് റീജിയണൽ ഫയർ ആൻഡ് എമർജൻസി വിഭാഗം എത്തിയാണ് തീ നിയന്ത്രണവിധേയമാക്കിയത്. വീടിനുള്ളിൽ നിന്ന് പുറത്തെടുത്ത മൂന്ന് പേർക്കും ഉടൻ തന്നെ അടിയന്തര ചികിത്സ നൽകിയെങ്കിലും ജീവൻ രക്ഷിക്കാനായില്ല.
തീപിടുത്തത്തിന്റെ കാരണം വ്യക്തമല്ല. ഫയർ മാർഷൽ ഓഫീസും മെഡിക്കൽ എക്സാമിനർ സർവീസും സ്ഥലത്തെത്തി പരിശോധന നടത്തി. പോലീസ് അന്വേഷണം ഊർജ്ജിതമാക്കിയിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
3 dead following house fire in Lower Sackville, N.S.
