ഒട്ടാവ: കാനഡയിൽ സ്ഥിരതാമസമാക്കാൻ ആഗ്രഹിക്കുന്നവർക്ക് വലിയ പ്രതീക്ഷ നൽകിക്കൊണ്ട് 2025-ലെ എക്സ്പ്രസ് എൻട്രി നറുക്കെടുപ്പുകളുടെ വിശകലന റിപ്പോർട്ട് പുറത്തുവന്നു. ഈ വർഷം നടന്ന 58 നറുക്കെടുപ്പുകളിലൂടെ ഏകദേശം 1,17,998 പേർക്കാണ് സ്ഥിരതാമസത്തിനുള്ള ക്ഷണം (ITA) ലഭിച്ചത്. ഫ്രഞ്ച് ഭാഷാ പ്രാവീണ്യമുള്ളവർക്കും ആരോഗ്യ മേഖലയിലുള്ളവർക്കുമാണ് ഈ വർഷം ഏറ്റവും കൂടുതൽ മുൻഗണന ലഭിച്ചതെന്നാണ് കണക്കുകൾ വ്യക്തമാക്കുന്നത്.
ഈ വർഷത്തെ കുടിയേറ്റ ട്രെൻഡുകൾ പരിശോധിക്കുമ്പോൾ പ്രധാനമായും ഫ്രഞ്ച് ഭാഷാ പ്രാവീണ്യമുള്ളവർക്കാണ് കാനഡയിലേക്കുള്ള വഴി എളുപ്പമായത്. ഏകദേശം 48,000 പേർക്ക് ഈ വിഭാഗത്തിൽ പി.ആർ ക്ഷണം ലഭിച്ചു. കുറഞ്ഞ സി.ആർ.എസ് സ്കോറുള്ളവർക്കും ഫ്രഞ്ച് അറിയാമായിരുന്നുവെങ്കിൽ എളുപ്പത്തിൽ ഇമിഗ്രേഷൻ സാധ്യമാകും എന്നതായിരുന്നു 2025-ലെ ഏറ്റവും വലിയ സവിശേഷത. ഡോക്ടർമാർ, നഴ്സുമാർ, സോഷ്യൽ വർക്കർമാർ എന്നിവരടങ്ങുന്ന ഹെൽത്ത് കെയർ വിഭാഗത്തിന് 14,500 ക്ഷണങ്ങൾ ലഭിച്ചു. മറ്റ് പ്രൊഫഷനുകളെ അപേക്ഷിച്ച് വളരെ കുറഞ്ഞ കട്ട്-ഓഫ് സ്കോറാണ് ഈ മേഖലയിലുള്ളവർക്കായി നിശ്ചയിച്ചിരുന്നത്.
കാനഡയിൽ തന്നെ പഠനം കഴിഞ്ഞവർക്കും അവിടെ പ്രവൃത്തിപരിചയമുള്ളവർക്കും സി.ഇ.സി (CEC) വിഭാഗത്തിലൂടെ വലിയ അവസരങ്ങൾ ലഭിച്ചെങ്കിലും ഈ വിഭാഗത്തിൽ കട്ട്-ഓഫ് സ്കോർ 515-നും 547-നും ഇടയിലായി ഉയർന്ന നിലയിലായിരുന്നു. എന്നാൽ വിവിധ പ്രവിശ്യകളുടെ നാമനിർദ്ദേശം (PNP) ലഭിച്ചവർക്ക് 600 അധിക പോയിന്റുകൾ ലഭിച്ചതിനാൽ അവർക്ക് സുഗമമായി പി.ആർ നേടിയെടുക്കാൻ സാധിച്ചു. ഫ്രഞ്ച് ഭാഷ നന്നായി അറിയാവുന്ന ബാങ്കിംഗ് പ്രൊഫഷണലുകൾ, കാനഡയിൽ പഠനം കഴിഞ്ഞ് ജോലി ചെയ്യുന്ന ഡാറ്റാ അനലിസ്റ്റുകൾ, വിദേശത്ത് പ്രവൃത്തിപരിചയമുള്ള സോഷ്യൽ വർക്കർമാർ എന്നിവർക്കെല്ലാം ഈ വർഷം നറുക്കെടുപ്പിൽ വിജയിക്കാൻ കഴിഞ്ഞിട്ടുണ്ട്. ചുരുക്കത്തിൽ, ഉയർന്ന ഭാഷാ സ്കോർ, കാനഡയിലെ പ്രവൃത്തിപരിചയം, അല്ലെങ്കിൽ പ്രവിശ്യകളുടെ നോമിനേഷൻ എന്നിവയുള്ളവർക്ക് 2025 കാനഡയിലേക്ക് വഴിതുറന്ന മികച്ച വർഷമായിരുന്നു.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Who got PR in Canada through Express Entry in 2025? Trends are out!
