‘ഇത്രയും പാടുപെട്ട് മോഷ്ടിച്ചിട്ട് എന്ത് കിട്ടാൻ’? മാനിറ്റോബയിലെ പ്രീസ്കൂളിൽ പ്ലേ സെറ്റ് കടത്തിക്കൊണ്ടുപോയി അജ്ഞാതർ

ഹെഡിങ്‌ലി: മാനിറ്റോബയിലുള്ള ഹെഡിങ്‌ലിയിലെ ഒരു പ്രീസ്കൂൾ കളിസ്ഥലത്തുനിന്ന് വലിയ പ്ലേ സെറ്റ് അജ്ഞാതർ മോഷ്ടിച്ചു. വിന്നിപെഗിന് പടിഞ്ഞാറുള്ള ‘ഗൈഡിംഗ് മൈൻഡ്‌സ് മോണ്ടിസോറി സ്കൂൾ’ എന്ന സ്വകാര്യ പ്രീസ്കൂളിലാണ് വെള്ളിയാഴ്ച പുലർച്ചെ ഈ അപൂർവ്വ മോഷണം നടന്നത്. കളിസ്ഥലത്തിന്റെ വേലി തകർത്താണ് ഈ പ്ലേ സെറ്റ് മോഷ്ടാക്കൾ കടത്തിക്കൊണ്ടുപോയത്.

വെള്ളിയാഴ്ച രാവിലെ 6:45 ഓടെ സ്കൂൾ ഉടമ ആഞ്ചി ഇസാർഡ് ആണ് മോഷണവിവരം ആദ്യം ശ്രദ്ധിക്കുന്നത്. മാലിന്യം പുറത്തുകളയാൻ പോയ സമയത്ത് കളിസ്ഥലത്തിന്റെ വേലി തകർന്ന നിലയിൽ കണ്ടെത്തുകയായിരുന്നു. തുടർന്ന് നടത്തിയ പരിശോധനയിലാണ് ശക്തമായ കാറ്റിനെപ്പോലും പ്രതിരോധിക്കത്തക്ക രീതിയിൽ ഉറപ്പിച്ചിരുന്ന വലിയ പ്ലേ സെറ്റ് പൂർണ്ണമായും അപ്രത്യക്ഷമായതായി കണ്ടത്. കനത്ത സുരക്ഷയുള്ള ഘടന ഇത്രയും വേഗത്തിൽ എങ്ങനെ അഴിച്ചുമാറ്റി കൊണ്ടുപോയി എന്നതിൽ അധികൃതർക്കും രക്ഷിതാക്കൾക്കും ഇപ്പോഴും വ്യക്തത വന്നിട്ടില്ല.

മൂന്ന് വർഷം മുമ്പ് പ്രവർത്തനം ആരംഭിച്ച ഈ സ്വകാര്യ സ്ഥാപനത്തിന് പുതിയ പ്ലേ സെറ്റ് സ്ഥാപിക്കുന്നതിനും വേലി നന്നാക്കുന്നതിനും ആയിരക്കണക്കിന് ഡോളറിന്റെ സാമ്പത്തിക ബാധ്യത വരുമെന്ന് സ്കൂൾ അധികൃതർ അറിയിച്ചു. സംഭവത്തിൽ റോയൽ കനേഡിയൻ മൗണ്ടഡ് പോലീസ് (RCMP) സ്ഥലത്തെത്തി അന്വേഷണം ആരംഭിച്ചിട്ടുണ്ട്. കുട്ടികളുടെ കളിസ്ഥലത്ത് നടന്ന ഈ മോഷണത്തിന് പിന്നാലെ പ്രീസ്കൂൾ പരിസരത്ത് സുരക്ഷാ ക്യാമറകൾ സ്ഥാപിക്കാനുള്ള നടപടികൾ തുടങ്ങിയതായി സ്കൂൾ മാനേജ്‌മെന്റ് വ്യക്തമാക്കി.

📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla

'What's the point of stealing it after all this effort'? Unknown men steal play set from Manitoba preschool