ലോസ് ആഞ്ചലസ്: ലോസ് ആഞ്ചലസിലെ പീക്കോക്ക് തിയേറ്ററിൽ നടന്ന 78-ാമത് എമ്മി അവാർഡ് വേദിയിൽ കാനഡയോടുള്ള സ്നേഹവും സൗഹൃദവും പ്രകടമാക്കി പ്രമുഖ താരങ്ങൾ. യു.എസും കാനഡയും തമ്മിൽ കടുത്ത വ്യാപാര തർക്കം നിലനിൽക്കുന്നതിനിടയിലാണ് ഹോളിവുഡ് വേദിയിൽ കാനഡ പരാമർശിക്കപ്പെട്ടത്.
‘റിമാർക്കബ്ലി ബ്രൈറ്റ് ക്രീച്ചേഴ്സ്’ എന്ന നെറ്റ്ഫ്ലിക്സ് പരമ്പരയിലെ അഭിനയത്തിന് ലിമിറ്റഡ് സീരീസ് വിഭാഗത്തിലെ മികച്ച നടിക്കുള്ള പുരസ്കാരം നേടിയ 79 കാരിയായ സാലി ഫീൽഡ്, ഈ വിഭാഗത്തിൽ അവാർഡ് നേടുന്ന ഏറ്റവും പ്രായം കൂടിയ താരമായി. കാനഡയിലെ ബി.സി.യിൽ ചിത്രീകരിച്ച ചിത്രത്തിലെ അഭിനയത്തിന് പുരസ്കാരം ഏറ്റുവാങ്ങവെ, “നമ്മുടെ അയൽക്കാരും സുഹൃത്തുക്കളുമായ കാനഡ” എന്ന് സാലി ഓർത്തെടുത്തു. ഹോളിവുഡ് നിർമ്മാണങ്ങൾ കാനഡയിലേക്ക് മാറ്റുന്നതിനെതിരെ പ്രസിഡന്റ് ട്രംപ് രംഗത്തുവന്ന പശ്ചാത്തലത്തിലാണ് ഈ പരാമർശം.
കാനഡക്കാരനായ നടനും സംവിധായകനുമായ മൈക്കൽ ജെ. ഫോക്സ് ബോബ് ഹോപ്പ് ഹ്യുമാനിറ്റേറിയൻ അവാർഡ് ഏറ്റുവാങ്ങി. പാർക്കിൻസൺസ് രോഗത്തിനെതിരെയുള്ള ബോധവൽക്കരണത്തിനും ഗവേഷണങ്ങൾക്കുമായി അദ്ദേഹം സ്ഥാപിച്ച മൈക്കൽ ജെ. ഫോക്സ് ഫൗണ്ടേഷന്റെ പ്രവർത്തനങ്ങൾക്കാണ് ഈ ആദരം.
ALSO READ ; സോഷ്യൽ മീഡിയയിൽ ബോയ്കോട്ട് ട്രെൻഡ്; കാനഡ സെൻസസിൽ ചരിത്ര വിജയം!
കഴിഞ്ഞ ജനുവരി 30-ന് 71-ാം വയസ്സിൽ അന്തരിച്ച കനേഡിയൻ നടിയും ഹാസ്യരചയിതാവുമായ കാതറിൻ ഒഹാരയ്ക്ക് വേദിയിൽ പ്രമുഖ താരങ്ങൾ ആദരമർപ്പിച്ചു. ‘ഹോം എലോൺ’ താരം മക്കോലെ കൽക്കിൻ, ‘ഷിറ്റ്സ് ക്രീക്ക്’ താരങ്ങളായ ആനി മർഫി, ഡാൻ ലെവി എന്നിവർ കാതറിനുമൊത്തുള്ള ഓർമ്മകൾ പങ്കുവെച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
