മോൺട്രിയൽ: നഗരത്തിൽ ഭാവിയിലുണ്ടാകുന്ന യാത്രാ ആവശ്യങ്ങൾ മുന്നിൽക്കണ്ട് എട്ട് പുതിയ മേഖലകളെ കേന്ദ്രീകരിച്ച് പ്രത്യേക പഠനം നടത്താൻ മോൺട്രിയൽ മെട്രോപൊളിറ്റൻ റീജിയണൽ ട്രാൻസ്പോർട്ടേഷൻ അതോറിറ്റി (ARTM) തീരുമാനിച്ചു. ആർ.ഇ.എം (REM) ലൈറ്റ് റെയിൽ പദ്ധതിയുടെ വ്യാപനവും മോൺട്രിയൽ മെട്രോ ബ്ലൂ ലൈനിന്റെ വികസനവും കണക്കിലെടുത്താണ് പൊതുഗതാഗത സംവിധാനം കൂടുതൽ ശക്തമാക്കാൻ ഈ നീക്കം. 2026 മുതൽ 2029 വരെയുള്ള വർഷങ്ങളിലായി എട്ട് വ്യത്യസ്ത മേഖലകളിലെ ആവശ്യങ്ങൾ പഠിച്ച് സർക്കാരിന് റിപ്പോർട്ട് സമർപ്പിക്കുകയാണ് പദ്ധതിയുടെ ലക്ഷ്യം.
ചോമെഡെ – സെന്റ്-ലോറന്റ്, മോൺട്രിയലിന്റെ മധ്യമേഖലകൾ എന്നിവയിലാണ് ആദ്യഘട്ടമായി 2026-ൽ പഠനം ആരംഭിക്കുന്നത്. തുടർന്ന് ലോറെൻഷ്യൻ കോറിഡോർ, ദി മിൽസ്, മൊണ്ടെറെജിയൻ കോറിഡോർ, സെന്റ്-ലോറന്റ് – അഹുൻസിക് – മൊണ്ട്രിയാൽ-നോർഡ്, മാർഗരൈറ്റ്-ഡി യൂവിൽ, റൂസിലൺ എന്നീ മേഖലകളിലേക്ക് പഠനം വ്യാപിപ്പിക്കും. പൊതുജനങ്ങളുടെ യാത്രാ ആവശ്യങ്ങൾ മനസ്സിലാക്കി ഏറ്റവും അനുയോജ്യമായ പദ്ധതികൾ കണ്ടെത്താനാണ് ഇതിലൂടെ ശ്രമിക്കുന്നത്. ചോമെഡെ-സെന്റ്-ലോറന്റ് മേഖലയുടെ ആദ്യ റിപ്പോർട്ട് ഈ വർഷം അവസാനത്തോടെ പുറത്തുവരും.
ഭാവി തലമുറയുടെ യാത്രാ ആവശ്യങ്ങൾ നിറവേറ്റുന്നതിന് ഇപ്പോഴേ ആസൂത്രണം തുടങ്ങേണ്ടതുണ്ടെന്ന് ആർ.ടി.എം ഡയറക്ടർ ബെനോയിറ്റ് ജെൻഡ്രോൺ വ്യക്തമാക്കി. സാമ്പത്തിക മേഖലയിലെ നിലവിലെ വെല്ലുവിളികൾക്കിടയിലും യാത്രാ സൗകര്യങ്ങൾക്കായുള്ള ആവശ്യക്കാരുടെ എണ്ണം വർദ്ധിച്ചുവരികയാണെന്നും അദ്ദേഹം കൂട്ടിച്ചേർത്തു. ഈ പഠന റിപ്പോർട്ടുകളുടെ അടിസ്ഥാനത്തിലായിരിക്കും ക്യുബെക് സർക്കാർ മേഖലയിലെ ഭാവി ഗതാഗത പദ്ധതികൾക്കായി തുക വകയിരുത്തുക.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Transport changes coming to the Montreal region: RTM to submit report to the government.
