മാനിറ്റോബ: മാനിറ്റോബയിലെ പാർക്ക്ലാൻഡ് മേഖലയിൽ ശക്തമായ ചുഴലിക്കാറ്റ് വീശിയടിച്ചു. ശനിയാഴ്ച വൈകുന്നേരമാണ് റോസ്ബേണിന് സമീപം ചുഴലിക്കാറ്റ് കരതൊട്ടത്. കാലാവസ്ഥാ വകുപ്പ് (ECCC) ഇക്കാര്യം ഔദ്യോഗികമായി സ്ഥിരീകരിച്ചിട്ടുണ്ട്. റോസ്ബേണിലെ ഒരു വീടിന്റെ മുകൾനിലയും മേൽക്കൂരയും പൂർണ്ണമായും തകർന്നു. വീടിനു ചുറ്റും നാശനഷ്ടങ്ങളുടെ അവശിഷ്ടങ്ങൾ ചിതറിക്കിടക്കുന്ന ദൃശ്യങ്ങൾ റോസ്ബേൺ ഫയർ ഡിപ്പാർട്ട്മെന്റ് പുറത്തുവിട്ടു.
റോസ്ബേണിന് പുറമെ റോബ്ലിനിലും ചുഴലിക്കാറ്റ് ഉണ്ടായതായി റിപ്പോർട്ടുകളുണ്ട്. ഇക്കാര്യത്തിൽ കൂടുതൽ വിവരങ്ങൾ തിങ്കളാഴ്ചയോടെ ലഭ്യമാകുമെന്നാണ് അധികൃതർ അറിയിക്കുന്നത്. ചുഴലിക്കാറ്റ് സ്ഥിരീകരിച്ച സ്ഥലങ്ങളിൽ കൂടുതൽ അന്വേഷണങ്ങൾക്കായി നോർത്തേൺ ടൊർണാഡോ പ്രോജക്റ്റ് അംഗങ്ങൾ ഉടൻ പരിശോധന നടത്തും.
ചുഴലിക്കാറ്റിനൊപ്പം കനത്ത മഴയും മേഖലയെ ബാധിച്ചു. സാൻ ക്ലാരയിൽ 80.9 മില്ലിമീറ്റർ മഴ രേഖപ്പെടുത്തിയപ്പോൾ ലേക്ക് ഓഡിയിൽ 45.8 മില്ലിമീറ്ററും സ്വാൻ റിവറിൽ 33.5 മില്ലിമീറ്ററും മഴ ലഭിച്ചു. മോശം കാലാവസ്ഥയെത്തുടർന്ന് ഡൗഫിൻ കൺട്രി ഫെസ്റ്റ് മുൻകരുതൽ നടപടിയായി താൽക്കാലികമായി നിർത്തിവെച്ചു.
Tornado confirmed in Manitoba’s Parkland Region
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
