കാനഡയിൽ സ്ഥിരതാമസമാക്കാണോ, വഴി വഴിതുറന്ന് സസ്കാച്ചവാൻ: നോമിനേഷൻ കണക്കുകൾ പുറത്ത്; മുൻഗണനാ വിഭാഗങ്ങളിൽ അവസരങ്ങളേറുന്നു

റജീന: സസ്കാച്ചവാൻ ഇമിഗ്രന്റ് നോമിനി പ്രോഗ്രാമിന് (SINP) കീഴിൽ 2026 വർഷം അനുവദിച്ചിട്ടുള്ള മൊത്തം നോമിനേഷനുകളുടെ ആദ്യപാദ കണക്കുകൾ സസ്കാച്ചവാൻ സർക്കാർ പുറത്തുവിട്ടു. ഈ വർഷം പ്രവിശ്യ ലക്ഷ്യമിടുന്ന 4,761 നോമിനേഷനുകളിൽ 1,223 എണ്ണം ഇതിനകം നൽകിക്കഴിഞ്ഞു. നിലവിലെ കണക്കനുസരിച്ച് ഏകദേശം 26 ശതമാനം ക്വാട്ട പൂർത്തിയായിട്ടുണ്ട്. വരും മാസങ്ങളിൽ 3,538 പേർക്ക് കൂടി നോമിനേഷൻ ലഭിക്കാനുള്ള അവസരമാണ് ഇതോടെ തെളിഞ്ഞിരിക്കുന്നത്.

പ്രവിശ്യയുടെ സാമ്പത്തിക വളർച്ചയിൽ നിർണ്ണായകമായ ഏഴ് മുൻഗണനാ മേഖലകൾക്കായി (Priority Sectors) പകുതിയോളം സീറ്റുകളാണ് മാറ്റിവെച്ചിരിക്കുന്നത്. ഹെൽത്ത് കെയർ, അഗ്രികൾച്ചർ, സ്കിൽഡ് ട്രേഡ്‌സ്, മൈനിംഗ്, മാനുഫാക്ചറിംഗ്, എനർജി, ടെക്നോളജി എന്നീ മേഖലകളെയാണ് സർക്കാർ മുൻഗണനാ പട്ടികയിൽ ഉൾപ്പെടുത്തിയിരിക്കുന്നത്. ഈ വിഭാഗങ്ങളിലായി അനുവദിച്ച 2,380 സീറ്റുകളിൽ 29 ശതമാനം (689 നോമിനേഷനുകൾ) ഇതിനകം വിതരണം ചെയ്തു. ഇതിൽ സസ്കാച്ചുവനിലെ വിദ്യാഭ്യാസ സ്ഥാപനങ്ങളിൽ നിന്ന് പഠനം പൂർത്തിയാക്കിയവർക്കായി 750 സ്ലോട്ടുകൾ പ്രത്യേകം സംവരണം ചെയ്തിട്ടുണ്ട്.

തൊഴിൽ വിപണിയിലെ സന്തുലിതാവസ്ഥ നിലനിർത്തുന്നതിനായി ട്രക്കിംഗ്, റീട്ടെയിൽ ട്രേഡ്, അക്കോമഡേഷൻ ആൻഡ് ഫുഡ് സർവീസസ് എന്നീ മേഖലകളിൽ സർക്കാർ നിയന്ത്രണങ്ങൾ (Cap) ഏർപ്പെടുത്തിയിട്ടുണ്ട്. ഈ മേഖലകളിൽ നിന്നുള്ളവർക്കായി നിശ്ചിത സമയങ്ങളിൽ മാത്രമാണ് അപേക്ഷകൾ സ്വീകരിക്കുന്നത്. 2026-ൽ ആകെ ആറ് ഇൻടേക്കുകളാണ് നിശ്ചയിച്ചിരിക്കുന്നത്. ഇതിൽ ജനുവരി, മാർച്ച് മാസങ്ങളിലെ അപേക്ഷാ നടപടികൾ പൂർത്തിയായി. അടുത്ത പ്രധാന ഇൻടേക്കായ മെയ് 4-ന് ട്രക്കിംഗ്, റീട്ടെയിൽ മേഖലകളിലേക്കും ഉച്ചയ്ക്ക് ശേഷം അക്കോമഡേഷൻ മേഖലയിലേക്കും അപേക്ഷകൾ സമർപ്പിക്കാം. ജൂലൈ, സെപ്റ്റംബർ, നവംബർ മാസങ്ങളിലും തുടർന്ന് ഇൻടേക്കുകൾ ഉണ്ടാകും.

നിയന്ത്രണമുള്ള (Capped) മേഖലകളിൽ ജോലി ചെയ്യുന്നവരുടെ വർക്ക് പെർമിറ്റ് കാലാവധി ആറ് മാസമോ അതിൽ കുറവോ ആണെങ്കിൽ മാത്രമേ നിശ്ചിത ഇൻടേക്കുകൾ വഴി തൊഴിലുടമകൾക്ക് അപേക്ഷ നൽകാൻ സാധിക്കൂ. എന്നാൽ മുൻഗണനാ വിഭാഗങ്ങളിൽ ഉൾപ്പെട്ടവർക്ക് ഇത്തരം സമയക്രമങ്ങൾ ബാധകമല്ല. പ്രവിശ്യയിലെ തൊഴിൽ ദൗർലഭ്യം പരിഹരിക്കുന്നതിനായി സസ്കാച്ചുവൻ നടപ്പിലാക്കുന്ന ഈ നീക്കം ഇന്ത്യൻ കുടിയേറ്റക്കാർക്കും പ്രത്യേകിച്ച് സ്കിൽഡ് വർക്കർമാർക്കും വലിയ പ്രതീക്ഷയാണ് നൽകുന്നത്. ഓരോ ക്വാർട്ടറിലും സർക്കാർ ഔദ്യോഗികമായി ഈ കണക്കുകൾ പുതുക്കി പ്രസിദ്ധീകരിക്കും.

To settle permanently in Canada, to pave the way and save lives

കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt