ഒന്റാരിയോ; കാനഡയെ ഇടനാഴിയാക്കി അനധികൃതമായി ആളുകളെ അമേരിക്കയിലേക്ക് കടത്തിയ മനുഷ്യക്കടത്ത് ശൃംഖലയിലെ അംഗങ്ങളായ മൂന്ന് മെക്സിക്കൻ പൗരന്മാർ കുറ്റം സമ്മതിച്ചതായി അമേരിക്കൻ അധികൃതർ അറിയിച്ചു. യുഎസ് ജസ്റ്റിസ് ഡിപ്പാർട്ട്മെന്റിന്റെ വിവരമനുസരിച്ച്, നൂറുകണക്കിന് ആളുകളെ നിയമവിരുദ്ധമായി അമേരിക്കയിൽ പ്രവേശിപ്പിച്ച സംഘത്തിന്റെ ഭാഗമായിരുന്നു ഇവർ.
സാമ്പത്തിക ലാഭത്തിനായി അനധികൃത കുടിയേറ്റക്കാരെ കടത്തിയതുമായി ബന്ധപ്പെട്ട നിരവധി കുറ്റങ്ങളും മനുഷ്യക്കടത്ത് ഗൂഢാലോചനക്കുറ്റവും പ്രതികൾ കോടതിയിൽ സമ്മതിച്ചിട്ടുണ്ട്. ഇതേ കേസിലെ മറ്റൊരു പ്രതി കഴിഞ്ഞ മേയിൽ തന്നെ കുറ്റം സമ്മതിച്ചിരുന്നുവെന്നും, അദ്ദേഹത്തിന്റെ ശിക്ഷാവിധി സെപ്റ്റംബറിൽ നടക്കാനിരിക്കുകയാണെന്നും അധികൃതർ വ്യക്തമാക്കി.
മൂന്ന് പ്രതികളുടെയും ശിക്ഷാവിധി നവംബറിൽ പ്രഖ്യാപിക്കാനാണ് നിശ്ചയിച്ചിരിക്കുന്നത്. കുറ്റങ്ങളുടെ ഗൗരവം പരിഗണിച്ച് അഞ്ച് മുതൽ 15 വർഷം വരെ തടവുശിക്ഷ ലഭിക്കാനുള്ള സാധ്യതയുണ്ടെന്നാണ് സൂചന. വടക്കൻ ന്യൂയോർക്ക് മേഖലയിൽ യുഎസ് ഹോംലാൻഡ് സെക്യൂരിറ്റി ഇൻവെസ്റ്റിഗേഷൻസും യു.എസ്. ബോർഡർ പട്രോളും ചേർന്നാണ് കേസിൽ അന്വേഷണം നടത്തിയത്.
three-mexicans-admit-being-part-of-group-smuggling-migrants-into-us-from-canada
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
