ഓട്ടവ: വാനിയറില് ബാര്ബര് ഷോപ്പിലേക്ക് വാഹനം ഇടിച്ചുകയറി ഒരാള് മരിച്ച സംഭവത്തില് വാഹനം ഓടിച്ചിരുന്നത് ഓട്ടവ നഗരസഭയിലെ ജീവനക്കാരിയാണെന്ന് സ്ഥിരീകരിച്ചു. സെപ്റ്റംബര് 22-ന് മകാര്തര് അവന്യൂവിലെ കട്ട്സ് ബാര്ബര് സലോണിലേക്കാണ് വാഹനം ഇടിച്ചുകയറിയത്. അപകടത്തില് സ്ഥാപനത്തിലുണ്ടായിരുന്ന 30-കാരന് മരിണപ്പെട്ടു. മറ്റൊരാള്ക്ക് ഗുരുതരമായി പരിക്കേറ്റു.
അപകടത്തില് ഉള്പ്പെട്ടത് ഡ്യൂട്ടിയിലല്ലാത്ത നഗരസഭാ ജീവനക്കാരിയാണെന്ന് ഓട്ടവ നഗരം സ്ഥിരീകരിച്ചു. സംഭവത്തില് കൂടുതല് വിവരങ്ങള് നല്കാന് അധികൃതര് തയ്യാറായില്ല. പോലീസ് അന്വേഷണം പൂര്ത്തിയാക്കുന്നതുവരെ ജീവനക്കാരി ജോലിയില് പ്രവേശിക്കില്ലെന്നും നഗരസഭ അറിയിച്ചു.
അപകടത്തില് 32-കാരനായ മറ്റൊരാള്ക്കും പരിക്കേറ്റിരുന്നു. ഇയാളുടെ പരിക്ക് ഗുരുതരമാണെങ്കിലും ജീവന് ഭീഷണിയില്ലെന്ന് പോലീസ് അറിയിച്ചു. മരിച്ച 30-കാരനെ ഇതുവരെ പോലീസ് തിരിച്ചറിഞ്ഞിട്ടില്ല.
ALSO READ: വിന്നിപെഗിൽ വാഹനാപകടം: ‘ഇതുവഴി വരേണ്ട’; ഗതാഗത നിയന്ത്രണം ഏർപ്പെടുത്തി പോലീസ്
അപകടവുമായി ബന്ധപ്പെട്ട് 57-കാരിക്കെതിരെ ലഹരിയിലായിരിക്കെ വാഹനമോടിച്ചതുമായി ബന്ധപ്പെട്ട കുറ്റങ്ങള് ചുമത്തിയതായി ഓട്ടവ പോലീസ് ബുധനാഴ്ച അറിയിച്ചു. പ്രതിയുടെ പേര് പോലീസ് പുറത്തുവിട്ടിട്ടില്ല.
അപകടസ്ഥലത്തിന് എതിര്വശത്തുള്ള നഗരസഭയുടെ സെന്റര് എഡ്യൂക്കാറ്റിഫ് ടൂര്നെസോള് ഡേകെയര് ഈ ആഴ്ച മുഴുവന് അടച്ചിടുമെന്ന് നഗരസഭ അറിയിച്ചു. 18 മാസം മുതല് അഞ്ച് വയസ്സ് വരെയുള്ള കുട്ടികളാണ് ഇവിടെ എത്തുന്നത്. അപകടം നടക്കുന്നതിന് ഏകദേശം അഞ്ച് മിനിറ്റ് മുമ്പാണ് ഡേകെയര് അടയ്ക്കേണ്ടിയിരുന്നത്.
അപകടവുമായി ബന്ധപ്പെട്ട ദൃശ്യങ്ങളോ മറ്റ് വിവരങ്ങളോ ഉള്ളവര് ഓട്ടവ പോലീസിന്റെ ഫാറ്റല് കൊളിഷന് ഇന്വെസ്റ്റിഗേഷന് യൂണിറ്റുമായി ബന്ധപ്പെടണമെന്ന് പോലീസ് അഭ്യര്ഥിച്ചു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
‘Ottawa Vanier Crash: City Worker Charged’
