മുംബൈ: ബിരിയാണിയും തണ്ണിമത്തനും കഴിച്ചതിന് പിന്നാലെ മുംബൈയിൽ ഒരു കുടുംബത്തിലെ നാലുപേർ മരണപ്പെട്ടു. ഭക്ഷ്യവിഷബാധയാണെന്ന സംശയത്തിൽ പോലീസ് അന്വേഷണം ആരംഭിച്ചു. പൈധുനി സ്വദേശിയായ അബ്ദുല്ല ദൊക്കാഡിയ (40), ഭാര്യ നസ്രീൻ ദോക്കാഡിയ (35), മക്കളായ ആയിഷ (16), സൈനബ് (13) എന്നിവരാണ് മരിച്ചത്. ഏപ്രിൽ 25 ശനിയാഴ്ച രാത്രി പത്തരയോടെയാണ് കുടുംബം ബന്ധുക്കൾക്കൊപ്പം ബിരിയാണി കഴിച്ചത്. ബന്ധുക്കൾ മടങ്ങിയതിന് ശേഷം പുലർച്ചെ 1 നും 1:30 നും ഇടയിൽ ഇവർ തണ്ണിമത്തനും കഴിച്ചു.
അടുത്ത ദിവസം രാവിലെ 6 മണിയോടെ നാലുപേർക്കും കടുത്ത വയറിളക്കവും ഛർദ്ദിയും അനുഭവപ്പെട്ടു. ഉടൻ തന്നെ ഇവരെ ആശുപത്രിയിൽ എത്തിച്ചെങ്കിലും ആരുടെയും ജീവൻ രക്ഷിക്കാനായില്ല. ഒരു രാത്രി ഇരുട്ടി വെളുത്തപ്പോഴേക്കും ഒരു കുടുംബം മുഴുവനായി ഇല്ലാതായത് നാടിനെ നടുക്കിയിരിക്കുകയാണ്.
മൃതദേഹങ്ങൾ പോസ്റ്റ്മോർട്ടത്തിന് ശേഷം ശാസ്ത്രീയ പരിശോധനയ്ക്കായി അയച്ചിട്ടുണ്ട്. റിപ്പോർട്ട് ലഭിച്ചാൽ മാത്രമേ മരണകാരണം ഭക്ഷ്യവിഷബാധയാണോ അതോ മറ്റ് അസ്വാഭാവിക കാരണങ്ങൾ ഉണ്ടോ എന്ന് സ്ഥിരീകരിക്കാൻ കഴിയൂ എന്ന് മുംബൈ പോലീസ് അറിയിച്ചു. സംഭവത്തിൽ പോലീസ് കേസെടുത്ത് അന്വേഷണം ഊർജിതമാക്കി.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Suspected food poisoning incident has claimed four lives in Mumbai
