ബ്രസ്സൽസ്: ബെൽജിയത്ത് സ്കൂൾ കുട്ടികളുമായി പോയ മിനിബസ്സിലേക്ക് ട്രെയിൻ ഇടിച്ചുകയറി വൻ ദുരന്തം. വടക്കൻ ബെൽജിയത്തിലെ ബുഗ്ഗൻഹൗട്ട് നഗരത്തിൽ ചൊവ്വാഴ്ച രാവിലെ എട്ട് മണിയോടെയാണ് രാജ്യം നടുങ്ങിയ അപകടമുണ്ടായത്. നിരവധി പേർ അപകടത്തിൽ മരണപ്പെട്ടതായാണ് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്.റെയിൽവേ ട്രാക്കിന് സമീപം മിനിബസ് മറിഞ്ഞുകിടക്കുന്ന ചിത്രങ്ങൾ പുറത്തുവന്നിട്ടുണ്ട്. അപകടത്തിൽപ്പെട്ടത് സ്കൂൾ ബസ്സാണെന്ന് ബെൽജിയൻ നീതിന്യായ മന്ത്രി അന്നലീസ് വെർലിൻഡൻ സ്ഥിരീകരിച്ചു.
ഉടൻ തന്നെ രക്ഷാപ്രവർത്തകർ സ്ഥലത്തെത്തി പരിക്കേറ്റവരെ ആശുപത്രിയിലേക്ക് മാറ്റി. പ്രദേശത്ത് വൻതോതിൽ രക്ഷാപ്രവർത്തനം നിലവിൽ തുടരുകയാണ്. മരണസംഖ്യയോ പരിക്കേറ്റവരുടെ കൃത്യമായ വിവരങ്ങളോ അധികൃതർ ഇതുവരെ ഔദ്യോഗികമായി പുറത്തുവിട്ടിട്ടില്ല. അപകടത്തെക്കുറിച്ചുള്ള കൂടുതൽ വിവരങ്ങൾ ലഭ്യമാകുന്നതേയുള്ളൂ.
Several killed after train hits school bus in Belgium
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
