ക്യുബെക്ക് തങ്ങളുടെ ഏറ്റവും പുതിയ Arrima ഡ്രോയിലൂടെ Skilled Worker Selection Program (PSTQ) പ്രകാരമുള്ള തിരഞ്ഞെടുപ്പ് ഫലങ്ങൾ പുറത്തുവിട്ടു. ഓഗസ്റ്റ് 27-ന് നടന്ന ഈ ഡ്രോയിൽ ക്യുബെക്കിലേക്ക് കുടിയേറാൻ ആഗ്രഹിക്കുന്ന വിദഗ്ദ്ധ തൊഴിലാളികൾക്ക് മികച്ച അവസരമൊരുക്കിക്കൊണ്ടാണ് മന്ത്രാലയം പുതിയ തിരഞ്ഞെടുപ്പ് ഫലങ്ങൾ പുറത്തുവിട്ടിരിക്കുന്നത്.
ഈ നറുക്കെടുപ്പിലൂടെ വിവിധ സ്ട്രീമുകളിലായി നിരവധി ആളുകൾക്കാണ് അപേക്ഷിക്കാനുള്ള ഇൻവിറ്റേഷൻ (ITA) ലഭിച്ചിരിക്കുന്നത്. ഹൈലി ക്വാളിഫൈഡ് & സ്പെഷ്യലൈസ്ഡ് സ്കിൽസ് (Stream 1 – Highly Qualified & Specialized Skills) വിഭാഗത്തിൽ 87 ക്ഷണങ്ങളും, ഇന്റർമീഡിയറ്റ് & മാനുവൽ സ്കിൽസ് (Stream 2 – Intermediate & Manual Skills) വിഭാഗത്തിൽ 574 മുതൽ 583 വരെയുള്ള ക്ഷണങ്ങളും ലഭിച്ചു. കൂടാതെ റഗുലേറ്റഡ് പ്രൊഫഷൻസ് (Stream 3 – Regulated Professions) വിഭാഗത്തിൽ 109 ക്ഷണങ്ങളും എക്സപ്ഷണൽ ടാലന്റ് (Stream 4 – Exceptional Talent) വിഭാഗത്തിൽ 21 ക്ഷണങ്ങളുമാണ് നൽകിയിട്ടുള്ളത്.
Also Read : എക്സ്പ്രസ് എൻട്രി PNP ഡ്രോ; CRS സ്കോർ കുറഞ്ഞു, ഓഗസ്റ്റ് 31ന് നടന്ന നറുക്കെടുപ്പിന്റെ വിശദാംശങ്ങൾ ഇതാ
ഈ ഡ്രോയിലൂടെ തിരഞ്ഞെടുക്കപ്പെടുന്നതിന് ഫ്രഞ്ച് ഭാഷാ പ്രാവീണ്യം (French Language Proficiency) ഒരു പ്രധാന യോഗ്യതാ മാനദണ്ഡമായിരുന്നു. കൂടാതെ, അപേക്ഷകർ സാധാരണയായി ക്യുബെക്കിൽ താമസിക്കുന്നവരായിരിക്കണം എന്ന നിബന്ധനയുമുണ്ട്. ഓരോ സ്ട്രീമിനും തിരഞ്ഞെടുപ്പ് റൗണ്ടിനും അനുസരിച്ച് യോഗ്യമായ തൊഴിൽ മേഖലകളുടെ പട്ടിക, പ്രവൃത്തിപരിചയം, വിദ്യാഭ്യാസ യോഗ്യത, കുറഞ്ഞ EOI പോയിന്റ് സ്കോർ എന്നിവയിൽ വ്യത്യാസങ്ങൾ ഉണ്ടാകാം. യോഗ്യരായ അപേക്ഷകർ നൽകിയിരിക്കുന്ന സമയപരിധിക്കുള്ളിൽ ആവശ്യമായ രേഖകൾ സഹിതം അപേക്ഷ പൂർത്തിയാക്കേണ്ടതാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
Quebec PSTQ draw: Here are the details of the draw held on August 27, 2026.
