മിസിസാഗ: കാനഡയിലെ മിസിസാഗയിൽ കാറിന്റെ എൻജിൻ ഭാഗത്ത് ഒളിച്ചിരുന്ന പൈത്തൺ പാമ്പിനെ അത്ഭുതകരമായി രക്ഷപ്പെടുത്തി. മിസിസാഗ അനിമൽ സർവീസസ് (MAS) ആണ് ഈ വ്യത്യസ്തമായ രക്ഷാപ്രവർത്തനം വിജയകരമായി പൂർത്തിയാക്കിയത്.
ജൂലൈ 13-നാണ് സംഭവം നടന്നത്. വാഹനത്തിന്റെ എൻജിൻ കമ്പാർട്ട്മെന്റിനുള്ളിൽ പാമ്പ് കുടുങ്ങിക്കിടക്കുന്നതായി കാറുടമ മെക്കാനിക്കിനെ വിവരമറിയിക്കുകയും, തുടർന്ന് അധികൃതർ സ്ഥലത്തെത്തുകയുമായിരുന്നു. അനിമൽ സർവീസസ് ഉദ്യോഗസ്ഥർ എത്തിയ ഉടൻ തന്നെ ഒരു ഓഫീസർ ധൈര്യപൂർവ്വം എൻജിനുള്ളിലേക്ക് കൈകടത്തുകയായിരുന്നു. ആർക്കും വിശ്വസിക്കാൻ കഴിയാത്ത വിധം, പൈത്തൺ പാമ്പ് യാതൊരുവിധ പ്രകോപനവുമില്ലാതെ ഓഫീസറുടെ കൈയിലേക്ക് പതുക്കെ ഇഴഞ്ഞുകയറുകയായിരുന്നുവെന്ന് ഉദ്യോഗസ്ഥർ ഫേസ്ബുക്ക് പോസ്റ്റിൽ വ്യക്തമാക്കി.
കടുത്ത നിർജ്ജലീകരണവും ചെറിയ പോറലുകളും ഒഴിച്ചാൽ പാമ്പ് മറ്റ് പരിക്കുകളൊന്നുമില്ലാതെ സുരക്ഷിതമാണെന്ന് അധികൃതർ അറിയിച്ചു. നിലവിൽ മിസിസാഗ അനിമൽ ഷെൽട്ടറിൽ പ്രത്യേക പരിചരണത്തിൽ കഴിയുകയാണ് ഈ അപൂർവ്വ അതിഥി. വളർത്തുമൃഗങ്ങൾ മുതൽ അപൂർവ്വയിനം വന്യജീവികളെ വരെ രക്ഷപ്പെടുത്താനും സമൂഹത്തിന്റെ സുരക്ഷ ഉറപ്പാക്കാനും തങ്ങളുടെ ഉദ്യോഗസ്ഥർ എപ്പോഴും സജ്ജരാണെന്ന് മിസിസാഗ അനിമൽ സർവീസസ് വ്യക്തമാക്കി.
Python rescued from engine of vehicle in Mississauga
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
