ദില്ലി: രണ്ടുദിവസത്തെ ഔദ്യോഗിക സന്ദർശനത്തിനായി പ്രധാനമന്ത്രി നരേന്ദ്ര മോദി ഇന്ന് സീഷെൽസിലേക്ക് തിരിക്കും. രാവിലെ 9 മണിക്ക് ദില്ലിയിൽ നിന്ന് പുറപ്പെടുന്ന പ്രധാനമന്ത്രി ഉച്ചയ്ക്ക് 1.15 ഓടെ സീഷെൽസ് അന്താരാഷ്ട്ര വിമാനത്താവളത്തിൽ എത്തിച്ചേരും. സീഷെൽസ് നാഷണൽ ബൊട്ടാണിക്കൽ ഗാർഡനിൽ വൃക്ഷത്തൈ നട്ടുകൊണ്ടായിരിക്കും അദ്ദേഹം തന്റെ സന്ദർശന പരിപാടികൾക്ക് തുടക്കം കുറിക്കുക. തുടർന്ന് വൈകിട്ട് സീഷെൽസ് കോസ്റ്റ് ഗാർഡ് ബേസിൽ നടക്കുന്ന ചടങ്ങിലും, രാത്രിയിൽ സീഷെൽസ് പ്രസിഡന്റ് ഡോ. പാട്രിക് ഹെർമിനി ഒരുക്കുന്ന ഔദ്യോഗിക വിരുന്നിലും പ്രധാനമന്ത്രി പങ്കെടുക്കും.
ഇരുരാജ്യങ്ങളും തമ്മിലുള്ള നയതന്ത്ര-പ്രതിരോധ ബന്ധങ്ങൾ കൂടുതൽ കൂട്ടിഉറപ്പിക്കുന്നതിനാണ് ഈ സന്ദർശനം ലക്ഷ്യമിടുന്നത്. സന്ദർശന വേളയിൽ ഇരുരാജ്യങ്ങളുടെയും തലവന്മാർ തമ്മിൽ ഉഭയകക്ഷി സഹകരണത്തെക്കുറിച്ചും സമുദ്ര സുരക്ഷയെക്കുറിച്ചും നിർണായക ചർച്ചകൾ നടത്തും. ഇന്ത്യയുടെ സമുദ്ര സുരക്ഷാ കാഴ്ചപ്പാടായ ‘സാഗർ’ (SAGAR) പദ്ധതിയിൽ ഉൾപ്പെടുന്ന പ്രധാന പങ്കാളിയായ സീഷെൽസുമായുള്ള സൗഹൃദം പുതുക്കുന്നത് വഴി ഇന്ത്യൻ മഹാസമുദ്ര മേഖലയിലെ തന്ത്രപ്രധാനമായ ബന്ധങ്ങൾ കൂടുതൽ ശക്തമാക്കാൻ ഈ സന്ദർശനത്തിലൂടെ സാധിക്കുമെന്നാണ് വിലയിരുത്തപ്പെടുന്നത്.
Prime Minister’s visit to Seychelles begins today; begins with tree planting at the Botanical Garden
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
