ആംഹെർസ്റ്റ്: നോവ സ്കോഷ്യയിലെ ആംഹെർസ്റ്റിൽ ക്രിസ് ലെഗെറ്റ് എന്ന നാൽപ്പത്തിയൊന്നുകാരൻ വെടിയേറ്റ് മരിച്ച സംഭവത്തിൽ മൂന്നാമത്തെ പ്രതിയെയും പോലീസ് അറസ്റ്റ് ചെയ്തു. സ്പ്രിംഗ്ഹില്ലിൽ നിന്നുള്ള 34 വയസ്സുകാരനായ മൈക്കൽ ജെയിംസ് റയാനെയാണ് വ്യാഴാഴ്ച ഉച്ചകഴിഞ്ഞ് മോൺക്ടണിൽ വെച്ച് പോലീസ് പിടികൂടിയത്.
ഏപ്രിൽ 13-നായിരുന്നു കേസിനാസ്പദമായ സംഭവം. ആംഹെർസ്റ്റിലെ പ്രിൻസ് ആർതർ സ്ട്രീറ്റിലുള്ള ഒരു അഭയകേന്ദ്രത്തിന് സമീപം വെടിയൊച്ച കേട്ടതിനെത്തുടർന്ന് എത്തിയ പോലീസാണ് പുറകിൽ വെടിയേറ്റ നിലയിൽ ക്രിസ് ലെഗെറ്റിനെ കണ്ടെത്തിയത്. ആശുപത്രിയിൽ എത്തിച്ചെങ്കിലും അദ്ദേഹം മരണത്തിന് കീഴടങ്ങുകയായിരുന്നു.
ഈ കൊലപാതകവുമായി ബന്ധപ്പെട്ട് ഷോൺ യൂജിൻ പാട്രിക്വിൻ (56), നടാഷ ഡെബോറ ഓസ്റ്റിൻ (42) എന്നിവരെ നേരത്തെ പോലീസ് അറസ്റ്റ് ചെയ്തിരുന്നു. ഇരുവരും ഇപ്പോൾ റിമാൻഡിലാണ്. ഇവരെ മെയ് ആറിന് കോടതിയിൽ ഹാജരാക്കും. കേസിലെ നിർണായക പ്രതിയായ മൈക്കൽ ജെയിംസ് റയാനെ വെള്ളിയാഴ്ച കോടതിയിൽ ഹാജരാക്കുമെന്ന് ആംഹെർസ്റ്റ് പോലീസ് അറിയിച്ചു. കൊലപാതകത്തിലേക്ക് നയിച്ച കാരണത്തെക്കുറിച്ച് പോലീസ് കൂടുതൽ അന്വേഷണം നടത്തിവരികയാണ്.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Police arrest third person for fatal shooting in Amherst, N.S.
