ഷാർലറ്റ്ടൗൺ: കാനഡയിൽ സ്ഥിരതാമസം ആഗ്രഹിക്കുന്ന ഉദ്യോഗാർത്ഥികൾക്ക് ആശ്വാസമായി പ്രിൻസ് എഡ്വേർഡ് ഐലൻഡ് (PEI) പ്രൊവിൻഷ്യൽ നോമിനി പ്രോഗ്രാമിന്റെ (PNP) ഏറ്റവും പുതിയ നറുക്കെടുപ്പ് ഫലം പുറത്തുവിട്ടു. 2026 മാർച്ച് 20-ന് നടന്ന ഡ്രോയിൽ ലേബർ ആന്റ് എക്സ്പ്രസ് എൻട്രി വിഭാഗത്തിൽ ആകെ 101 അപേക്ഷകർക്കാണ് ഇൻവിറ്റേഷൻ (Invitation to Apply) ലഭിച്ചത്. ഇതോടെ 2026ൽ പിഇഐ അയച്ച ആകെ ക്ഷണങ്ങളുടെ എണ്ണം 236 ആയി ഉയർന്നു.
കാനഡയിൽ ജോലി ചെയ്യുന്നവർക്കും എക്സ്പ്രസ് എൻട്രി പൂളിൽ ഉയർന്ന റാങ്കുള്ളവർക്കും ഈ നറുക്കെടുപ്പ് വലിയ അവസരമാണ് തുറന്നു നൽകുന്നത്. എന്നാൽ, ബിസിനസ് വർക്ക് പെർമിറ്റ് എൻ്റർപ്രണർ (Business Work Permit Entrepreneur) വിഭാഗത്തിൽ ഇത്തവണ ആർക്കും ക്ഷണം ലഭിച്ചിട്ടില്ല.
ഇൻവിറ്റേഷൻ ലഭിച്ച അപേക്ഷകർക്ക് നിശ്ചിത സമയത്തിനകം പിഇഐ പ്രൊവിൻഷ്യൽ നോമിനേഷനായി അപേക്ഷ സമർപ്പിക്കാവുന്നതാണ്. പ്രവിശ്യാ സർക്കാരിന്റെ അംഗീകാരം ലഭിക്കുന്നതോടെ ഇവർക്ക് കാനഡയിൽ സ്ഥിരതാമസത്തിനുള്ള (PR) അപേക്ഷ ഫെഡറൽ സർക്കാരിന് സമർപ്പിക്കാൻ സാധിക്കും. വരും മാസങ്ങളിലും കൂടുതൽ ഉദ്യോഗാർത്ഥികളെ ഉൾപ്പെടുത്തിക്കൊണ്ടുള്ള നറുക്കെടുപ്പുകൾ തുടരുമെന്നാണ് ഇമിഗ്രേഷൻ വിഭാഗം നൽകുന്ന സൂചന.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
PEI PNP Draw: Here are the details of the draw held on March 20, 2026
