ഒട്ടാവ: കനേഡിയൻ പൗരന്മാർക്ക് അവരുടെ പാസ്പോർട്ടുകൾ ഇനി മുതൽ ഓൺലൈൻ വഴി വളരെ എളുപ്പത്തിൽ പുതുക്കാം. അർഹരായ എല്ലാ മുതിർന്ന പൗരന്മാർക്കുമായി ഓൺലൈൻ പാസ്പോർട്ട് റിന്യൂവൽ സേവനം പൂർണ്ണമായി പ്രവർത്തനസജ്ജമായതായി ഇമിഗ്രേഷൻ മന്ത്രി ലെന ഡയാബ് അറിയിച്ചു. ഇതിനുമുമ്പ് ദിവസേന 2,000 അപേക്ഷകൾക്ക് മാത്രമായി ഏർപ്പെടുത്തിയിരുന്ന പരിധിയാണ് സർക്കാർ ഇപ്പോൾ നീക്കം ചെയ്തിരിക്കുന്നത്.
കാനഡയിൽ സ്ഥിരമേൽവിലാസമുള്ളവരും കഴിഞ്ഞ 15 വർഷത്തിനുള്ളിൽ പാസ്പോർട്ട് ലഭിച്ചവരുമായ വ്യക്തികൾക്ക് ഈ സേവനം പ്രയോജനപ്പെടുത്താം. എന്നാൽ മുൻപ് പാസ്പോർട്ട് എടുക്കുന്ന സമയത്ത് അപേക്ഷകന് കുറഞ്ഞത് 16 വയസ്സ് പൂർത്തിയായിരിക്കണം.
അംഗീകൃത കോമേഴ്സ്യൽ ഫോട്ടോഗ്രാഫർ എടുത്ത ഡിജിറ്റൽ ഫോട്ടോയാണ് ഓൺലൈൻ അപേക്ഷയോടൊപ്പം സമർപ്പിക്കേണ്ടത്. ഓൺലൈനായി അപേക്ഷിക്കുന്നവർക്ക് 20 ദിവസത്തിനുള്ളിൽ പുതിയ പാസ്പോർട്ട് ലഭിക്കുമെന്നും ഇതിന്റെ പുരോഗതി റിയൽ-ടൈമായി ട്രാക്ക് ചെയ്യാൻ സാധിക്കുമെന്നും മന്ത്രി വ്യക്തമാക്കി. അപേക്ഷ നൽകി 30 ദിവസത്തിലധികം വൈകുകയാണെങ്കിൽ അപേക്ഷാ ഫീസ് പൂർണ്ണമായി തിരികെ നൽകുമെന്നും സർക്കാർ നേരത്തെ അറിയിച്ചിരുന്നു.
Passport renewal made easy: Canada launches a new online system!
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
