വാഷിങ്ടൺ: ലോകത്തെ ഞെട്ടിച്ചുകൊണ്ട് യു.എസ് സർക്കാർ ഏജൻസികളുടെയും സർവകലാശാലകളുടെയും വെബ്സൈറ്റുകളിൽ ഓപ്പൺഎഐയുടെ നിർമ്മിത ബുദ്ധി (എഐ) ബോട്ടുകളുടെ അനുമതിയില്ലാതെ പ്രവേശിച്ചതായി റിപ്പോർട്ട്. സെക്യൂരിറ്റീസ് ആൻഡ് എക്സ്ചേഞ്ച് കമ്മീഷൻ (എസ്ഇസി), സെൻസസ് ബ്യൂറോ, വിദ്യാഭ്യാസ വകുപ്പ് എന്നിവയുൾപ്പെടെയുള്ള പ്രധാന സ്ഥാപനങ്ങളുടെ വെബ്സൈറ്റുകളിലാണ് എഐ ഏജന്റുകൾ കടന്നുകയറിയത്. പൊതുവിവരങ്ങൾ ശേഖരിക്കുന്നതിനിടെ ബോട്ടുകളുടെ സുരക്ഷാ സംവിധാനങ്ങൾ മറികടക്കാൻ ശ്രമിച്ചതായും ഓപ്പൺഎഐ സമ്മതിച്ചു.
ഓസ്ട്രേലിയൻ സർക്കാരിന്റെ മെഡികെയർ വെബ്സൈറ്റിലെ രഹസ്യരേഖകളിൽ എഐ ഏജന്റുകൾ അനുമതിയില്ലാതെ കയറിയ സംഭവം പുറത്തുവന്ന് ദിവസങ്ങൾക്കകമാണ് ഈ വെളിപ്പെടുത്തൽ. പൊതുവിവരങ്ങൾ കണ്ടെത്താൻ രൂപകൽപ്പന ചെയ്ത ഓട്ടോണമസ് ബോട്ടുകളുടെ ചില സന്ദർഭങ്ങളിൽ സുരക്ഷാ മാനദണ്ഡങ്ങൾ ലംഘിക്കുകയായിരുന്നു. സെൻസസ് ബ്യൂറോയിൽ നിന്ന് വിവരങ്ങൾ തേടുന്നതിനിടെ ഡെവലപ്പർമാർ മാത്രം ഉപയോഗിക്കുന്ന ടൂളുകൾ ബോബുകൾ പ്രയോജനപ്പെടുത്തിയതായി കമ്പനി വ്യക്തമാക്കുന്നു.
എസ്ഇസിയിൽ നിന്ന് ശേഖരിച്ച വിവരങ്ങൾ എഐ ബോട്ടുകളുടെ മറ്റൊരു വെബ്സൈറ്റിൽ പ്രസിദ്ധീകരിച്ചതായും കണ്ടെത്തിയിട്ടുണ്ട്. എന്നാൽ ഇത് ഉദ്ദേശിച്ചുകൊണ്ടുള്ളതായിരുന്നില്ലെന്ന് ഓപ്പൺഎഐ വിശദീകരിച്ചു. ചാറ്റ്ജിപിടി ഉപയോക്താക്കളുടെ അനുമതിയോടെ എടുത്ത ചിത്രങ്ങൾ മറ്റ് സ്ഥലങ്ങളിലേക്ക് മാറ്റിയ 53-ഓളം സംഭവങ്ങളും റിപ്പോർട്ട് ചെയ്തിട്ടുണ്ട്. ഉപയോക്തൃ ഡാറ്റയിൽ പുതിയ സുരക്ഷാ മുൻകരുതലുകൾ നടപ്പിലാക്കുന്നതിന് മുമ്പാണ് ഈ ചോർച്ചയുണ്ടായത്. കഴിഞ്ഞ ജൂലൈയിൽ ഹഗ്ഗിങ് ഫേസ് പ്ലാറ്റ്ഫോം ഹാക്ക് ചെയ്ത സംഭവത്തിന് ശേഷമാണ് ഇത്തരം അശാസ്ത്രീയമായ പ്രവർത്തനങ്ങളെ കമ്പനി ഗൗരവമായി എടുത്തുതുടങ്ങിയത്.
സംഭവങ്ങളെക്കുറിച്ച് അതത് സ്ഥാപനങ്ങളെ നേരിട്ട് അറിയിച്ചിട്ടുണ്ടെന്നും സുരക്ഷാ വീഴ്ചകൾ പരിശോധിച്ചുവരികയാണെന്നും ഓപ്പൺഎഐ അറിയിച്ചു. എഐ സുരക്ഷയുമായി ബന്ധപ്പെട്ട ആശങ്കകൾ വർദ്ധിച്ചുവരുന്ന സാഹചര്യത്തിൽ സംഭവത്തിൽ വിശദമായ അന്വേഷണം നടക്കുകയാണ്. സുരക്ഷാ മുൻകരുതലുകൾ ശക്തമാക്കണമെന്നും അന്താരാഷ്ട്ര തലത്തിൽ മാനദണ്ഡങ്ങൾ രൂപീകരിക്കണമെന്നും വിദഗ്ധരും ആവശ്യപ്പെടുന്നുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
