ഒന്റാരിയോ: കാനഡയിൽ നിന്നുള്ള ഉൽപ്പന്നങ്ങൾക്ക് യു.എസ്. ഏർപ്പെടുത്തിയ നികുതിക്ക് മറുപടിയായി ഒന്റാരിയോ ഭരണകൂടം പിൻവലിച്ച അമേരിക്കൻ മദ്യശേഖരം സൂക്ഷിക്കുന്നതിനായി നികുതിപ്പണം ഉപയോഗിച്ച് 8 മില്യൺ ഡോളർ ചിലവിട്ടതായി റിപ്പോർട്ട്. 16 മാസങ്ങൾക്ക് മുൻപ് ലിക്കർ കൺട്രോൾ ബോർഡ് ഓഫ് ഒന്റാരിയോ (എൽ.സി.ബി.ഒ.) ഔട്ട്ലെറ്റുകളിൽ നിന്ന് മാറ്റിയ ഏതാണ്ട് 80 മില്യൺ ഡോളർ വിലമതിക്കുന്ന യു.എസ്. മദ്യശേഖരം ഭാവിയിൽ എന്തുചെയ്യുമെന്ന കാര്യത്തിൽ പ്രവിശ്യാ ഭരണകൂടം ഇതുവരെ വ്യക്തത വരുത്തിയിട്ടില്ല. സി.ബി.സി. ന്യൂസിന് വിവരാവകാശ അപ്പീൽ വഴി ലഭിച്ച എൽ.സി.ബി.ഒ.യുടെ ആഭ്യന്തര രേഖകളിലാണ് ഈ വിവരങ്ങളുള്ളത്.
ശേഖരത്തിലുള്ള മദ്യത്തിന്റെ 97 ശതമാനവും നല്ല നിലയിലാണെന്നും അവയുടെ കാലാവധി അവസാനിച്ചിട്ടില്ലെന്നും എൽ.സി.ബി.ഒ. വക്താവ് സെബാസ്റ്റ്യൻ സ്കാംസ്കി ഇമെയിൽ വഴി അറിയിച്ചു. എന്നാൽ, ഇതുവരെ 2.6 മില്യൺ ഡോളർ വിലവരുന്ന (ആകെ ശേഖരത്തിന്റെ 3.3 ശതമാനം) മദ്യം കാലാവധി കഴിഞ്ഞ് നശിച്ചതായും എൽ.സി.ബി.ഒ. വ്യക്തമാക്കി. വെയർഹൗസുകളിൽ മദ്യം മാനദണ്ഡങ്ങൾക്കനുസൃതമായി സൂക്ഷിക്കുന്നത് തുടരുമെന്നും, കാലാവധി നിരീക്ഷിച്ചുകൊണ്ട് തുടർനടപടികൾക്കായി പ്രവിശ്യാ ഭരണകൂടവുമായി ചേർന്ന് അവലോകനം നടത്തുമെന്നും വക്താവ് കൂട്ടിച്ചേർത്തു.
2025 മാർച്ചിൽ ട്രംപ് ഭരണകൂടം ഏർപ്പെടുത്തിയ നികുതികൾക്ക് പ്രതികരണമായി ഒന്റാരിയോ പ്രീമിയർ ഡഗ് ഫോർഡിന്റെ നിർദേശപ്രകാരമാണ് 660-ലധികം എൽ.സി.ബി.ഒ. വില്പനശാലകളിൽ നിന്ന് അമേരിക്കൻ ഉൽപ്പന്നങ്ങൾ മാറ്റിയത്. ക്യൂബെക്, മാനിറ്റോബ, നോവ സ്കോഷ്യ, പ്രിൻസ് എഡ്വേർഡ് ഐലൻഡ്, ന്യൂഫൗണ്ട്ലാൻഡ് ആൻഡ് ലാബ്രഡോർ തുടങ്ങിയ മറ്റ് കനേഡിയൻ പ്രവിശ്യകൾ പിൻവലിച്ച യു.എസ്. മദ്യം ഭാഗികമായി തിരികെ വിപണിയിൽ എത്തിക്കുകയോ ലാഭം ചാരിറ്റിക്ക് നൽകുകയോ ചെയ്തപ്പോൾ ഒന്റാരിയോ ഇപ്പോഴും ഇവ വെയർഹൗസുകളിൽ സൂക്ഷിക്കുകയാണ്. പെട്ടെന്നുണ്ടായ ഈ പിൻവലിക്കൽ എൽ.സി.ബി.ഒ.യ്ക്ക് വൻ ലോജിസ്റ്റിക് പ്രതിസന്ധി ഉണ്ടാക്കിയതായി മക്മാസ്റ്റർ സർവകലാശാലയിലെ മാർക്കറ്റിംഗ് അസോസിയേറ്റ് പ്രൊഫസർ മാർവിൻ റൈഡർ വിലയിരുത്തി.
Ontario costs $8 million to store recalled U.S. liquor; warehouse details revealed
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
