ലാനാർക്ക് കൗണ്ടി: വീട് കത്തിയമർന്ന ദുരന്തത്തിൽ നിന്ന് കരകയറാൻ ശ്രമിക്കുന്ന കുടുംബത്തിന് മേൽ വീണ്ടും ഇരുട്ടടിയായി മോഷണം. കാനഡയിലെ ലാനാർക്ക് കൗണ്ടയിലെ കിംബർലി – ടൈലർ ബേൺസ് ദമ്പതികൾക്കാണ് ദുരന്തത്തിന് പിന്നാലെ ഈ ദാരുണ അനുഭവമുണ്ടായത്.
ജൂലൈ 3-നായിരുന്നു ബേൺസ് കുടുംബത്തിന്റെ വീടിന് തീപിടിച്ചത്. നിമിഷങ്ങൾക്കുള്ളിൽ വീട് പൂർണ്ണമായും കത്തിനശിച്ചുവെങ്കിലും രക്ഷാപ്രവർത്തകർ തക്കസമയത്ത് ഇടപെട്ട് കുട്ടികളുടെ കളിപ്പാട്ടങ്ങൾ, ചില പരമ്പരാഗത വസ്തുക്കൾ, പുരാതന ട്രാക്ടറുകൾ തുടങ്ങിയ അപൂർവ്വം ചില സാധനങ്ങൾ രക്ഷപെടുത്തിയിരുന്നു.
സുരക്ഷിതമായിരിക്കട്ടെ എന്ന് കരുതി വീട്ടുപറമ്പിലെ ഷെഡ്ഡിൽ സൂക്ഷിച്ച ഈ സാധനങ്ങളാണ് ദിവസങ്ങൾക്ക് ശേഷം മോഷ്ടാക്കൾ കവർന്നത്.നിലവിൽ ബന്ധുവീട്ടിൽ അഭയം തേടിയിരിക്കുകയാണ് ഈ കുടുംബം. ഇൻഷുറൻസ് പരിരക്ഷ ലഭിക്കാത്ത ചെലവുകൾക്കായി പ്രദേശവാസികളും സുഹൃത്തുക്കളും ചേർന്ന് രൂപീകരിച്ച ഫണ്ടിലൂടെ ഇതുവരെ $7,000 കാനഡ ഡോളറോളം സമാഹരിച്ചിട്ടുണ്ട്. നഷ്ടപ്പെട്ട സാധനങ്ങൾ തിരിച്ചുകിട്ടുമെന്ന പ്രതീക്ഷയിലാണ് കുടുംബമിപ്പോൾ. തീപിടിത്തത്തിന്റെ കാരണം വ്യക്തമല്ല.
Lanark County family’s salvaged belongings stolen after devastating house fire
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
