നോർത്ത് വെസ്റ്റ് ടെറിട്ടറീസ് നോമിനി പ്രോഗ്രാം (Northwest Territories Nominee Program – NTNP) തങ്ങളുടെ ആദ്യ ഇമിഗ്രേഷൻ നറുക്കെടുപ്പ് ഫലങ്ങൾ പുറത്തുവിട്ടു. 2026-ന്റെ തുടക്കത്തിൽ എക്സ്പ്രഷൻ ഓഫ് ഇൻട്രസ്റ്റ് (Expression of Interest – EOI) സംവിധാനത്തിലേക്ക് മാറിയ ശേഷമുള്ള ആദ്യ സെലക്ഷൻ റൗണ്ടാണിത്.
2026 മാർച്ച് 25-ന് നടന്ന ഈ നറുക്കെടുപ്പിലൂടെ എംപ്ലോയർ ഡ്രിവൺ സ്ട്രീമിലെ (Employer-Driven Stream) വിവിധ വിഭാഗങ്ങളിൽ നിന്നായി ആകെ 65 ഉദ്യോഗാർത്ഥികൾക്കാണ് അപേക്ഷിക്കാനുള്ള ക്ഷണം (ITA) ലഭിച്ചത്. പൂളിലുണ്ടായിരുന്ന 295 പ്രൊഫൈലുകളിൽ നിന്ന് ഏറ്റവും ഉയർന്ന സ്കോർ നേടിയവരെയാണ് ഈ ഘട്ടത്തിൽ തിരഞ്ഞെടുത്തത്. ഇതിൽ നോർത്ത് വെസ്റ്റ് ടെറിട്ടറീസ് എക്സ്പ്രസ് എൻട്രി (NWT Express Entry) വഴി 32 പേർക്കും, സ്കിൽഡ് വർക്കർ (Skilled Worker) വഴി 20 പേർക്കും, എൻട്രി ലെവൽ/സെമി സ്കിൽഡ് (Entry Level/Semi-Skilled) വഴി 13 പേർക്കും അവസരം ലഭിച്ചു. 417 മുതൽ 597 വരെയായിരുന്നു ഇത്തവണത്തെ EOI കട്ട് ഓഫ് സ്കോറുകൾ.
ഈ സ്ട്രീമിൽ പരിഗണിക്കപ്പെടുന്നതിനായി ഉദ്യോഗാർത്ഥികൾക്ക് നോർത്ത് വെസ്റ്റ് ടെറിട്ടറീസിലെ ഒരു തൊഴിലുടമയിൽ നിന്നുള്ള ജോബ് ഓഫർ (Job offer) നിർബന്ധമാണ്. അപേക്ഷകന്റെ പ്രായം, ഭാഷാ പ്രാവീണ്യം, പ്രവൃത്തിപരിചയം, വിദ്യാഭ്യാസം എന്നിവയ്ക്ക് പുറമെ പ്രവിശ്യയുമായുള്ള ബന്ധവും (Connections to the NWT) പോയിന്റ് നിർണ്ണയത്തിൽ പ്രധാനമാണ്. ഈ വർഷം ജൂൺ 25-നും സെപ്റ്റംബർ 25-നും അടുത്ത നറുക്കെടുപ്പുകൾ നടക്കും. ജൂൺ മാസത്തെ ഡ്രോയിൽ ഉൾപ്പെടാൻ ആഗ്രഹിക്കുന്നവർ ജൂൺ 22-നകം തങ്ങളുടെ EOI പ്രൊഫൈലുകൾ സമർപ്പിക്കേണ്ടതാണ്. ഓരോ നറുക്കെടുപ്പിലും പരമാവധി 65 പേർക്ക് വീതമായിരിക്കും നോമിനേഷനായി അപേക്ഷിക്കാൻ അവസരം ലഭിക്കുക.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
NTNP Draw: Results of the first draw for the Northwest Territories held on March 25, 2026, have been released.
