കാനഡയിൽ കായികരംഗത്തിനും പൊതുജനങ്ങൾക്കും ആശ്രയമായിരുന്ന പൊതു നീന്തൽക്കുളങ്ങൾ അടച്ചുപൂട്ടലിന്റെ വക്കിൽ. കാലപ്പഴക്കം കാരണം അറ്റകുറ്റപ്പണികൾ നടത്താനോ പുതുക്കിപ്പണിയാനോ കഴിയാതെ വന്നതോടെയാണ് ഈ നീന്തൽക്കുളങ്ങൾ കാനഡയിൽ ചരിത്രമാകുന്നത്. രാജ്യത്തെ പകുതിയിലധികം ഇൻഡോർ പൂളുകൾക്കും 25 വർഷത്തിൽ കൂടുതൽ പഴക്കമുണ്ടെന്നാണ് പുതിയ റിപ്പോർട്ടുകൾ വ്യക്തമാക്കുന്നത്. പലയിടത്തും അറ്റകുറ്റപ്പണികൾക്കുള്ള ചെലവ് താങ്ങാൻ കഴിയാത്തതാണ് ഈ നീന്തൽക്കുളങ്ങൾ അടച്ചുപൂട്ടാൻ കാരണം.
നീന്തലിൽ ലോക ചാമ്പ്യൻഷിപ്പുകൾ നേടി കാനഡയുടെ അഭിമാനമായ സമ്മർ മക്കിന്റോഷിനെപ്പോലെയുള്ള കായികതാരങ്ങളെ വാർത്തെടുക്കാൻ ഇനി കാനഡയ്ക്ക് കഴിഞ്ഞെന്നുവരില്ലെന്ന് കായികരംഗത്തെ വിദഗ്ധർ ആശങ്കപ്പെടുന്നു. നീന്തൽക്കുളങ്ങളുടെ അറ്റകുറ്റപ്പണികൾ അവഗണിച്ച മുനിസിപ്പാലിറ്റികൾക്കും സർവകലാശാലകൾക്കും ഇപ്പോൾ വലിയ ചെലവ് താങ്ങേണ്ടിവരുന്നു. നീന്തൽക്കുളങ്ങൾ അറ്റകുറ്റപ്പണി നടത്തിയാൽ മാത്രം പോരാ, അവ പരിപാലിക്കാൻ കൂടുതൽ പ്രാധാന്യം നൽകണമെന്നും വിദഗ്ദ്ധർ ചൂണ്ടിക്കാട്ടുന്നു.
ഇൻഡോർ നീന്തൽക്കുളങ്ങൾ അടച്ചുപൂട്ടുന്നത് കായികതാരങ്ങൾക്ക് മാത്രമല്ല തിരിച്ചടിയാകുന്നത്. നീന്തൽ പരിശീലനത്തിനും, ലൈഫ് ഗാർഡുകൾക്കുള്ള പരിശീലനത്തിനും, കൂടാതെ കുട്ടികളുടെ സുരക്ഷക്കും ഇത് വലിയ വെല്ലുവിളിയാകുന്നു. കാനഡയിൽ കുട്ടികളിൽ മുങ്ങിമരണം രണ്ടാം സ്ഥാനത്താണ്. നീന്തൽക്കുളങ്ങളുടെ ഈ പ്രതിസന്ധി തുടർന്നാൽ അത് കൂടുതൽ ഗുരുതരമായ പ്രത്യാഘാതങ്ങൾ ഉണ്ടാക്കുമെന്നും വിദഗ്ദ്ധർ മുന്നറിയിപ്പ് നൽകുന്നു. ഈ വിഷയത്തിൽ ഫെഡറൽ സർക്കാർ കൂടുതൽ ഇടപെടലുകൾ നടത്തണമെന്നും അവർ ആവശ്യപ്പെടുന്നു.
No money for repairs; Canada's aging swimming pools are closing
