നയാഗ്ര: ഗ്രിംസ്ബിയിലെ കാസബ്ലാങ്ക ബൂളവാർഡിന് സമീപമുള്ള സൗത്ത് സർവീസ് റോഡിൽ പ്രവർത്തിക്കുന്ന നയാഗ്ര ഗേറ്റ്‌വേ ടൂറിസം ഇൻഫർമേഷൻ സെന്റർ 25-ാം വാർഷികം ആഘോഷിച്ചു. 2001 സെപ്റ്റംബർ 15-നാണ് ഈ കേന്ദ്രം ഔദ്യോഗികമായി പ്രവർത്തനം ആരംഭിച്ചത്. നയാഗ്ര മേഖലയിലേക്ക് പ്രവേശിക്കുന്ന വിനോദസഞ്ചാരികൾക്ക് ആവശ്യമായ വിവരങ്ങളും സേവനങ്ങളും നൽകുന്ന പ്രധാന കേന്ദ്രമാണിത്.
പ്രതിവർഷം കുറഞ്ഞത് 40 ലക്ഷം ആളുകളെങ്കിലും ഈ ടൂറിസം സെന്റർ സന്ദർശിക്കുന്നുണ്ടെന്ന് കേന്ദ്രത്തിന്റെ പ്രസിഡന്റ് ബെലിൻഡ ആൻഡേഴ്സൺ അറിയിച്ചു. 11 ഭക്ഷണശാലകളും മറ്റ് വാടക സ്ഥാപനങ്ങളും ഇവിടെ പ്രവർത്തിക്കുന്നുണ്ട്. നയാഗ്ര പാർക്സ് കമ്മീഷൻ, ഗ്രിംസ്ബി നഗരസഭ, പരസ്യങ്ങൾ നൽകുന്ന സ്ഥാപനങ്ങൾ എന്നിവരുടെ സഹായത്തോടെയാണ് ലാഭ നോക്കാതെ പ്രവർത്തിക്കുന്ന ഈ കേന്ദ്രം മുന്നോട്ടുപോകുന്നത്.
Also Read: അമേരിക്കയിലെ ഫ്ലോറിഡയിൽ പുതിയ നികുതി പരിഷ്കാരം: കനേഡിയൻ ഉടമകൾ തിരിച്ചടിയോ?
സന്ദർശകർക്ക് സേവനങ്ങൾ കുറച്ചുകൂടി എളുപ്പത്തിൽ ലഭ്യമാക്കുന്നതിനായി 2023-ൽ ഏകദേശം 10,0000 ഡോളർ (ഒരു ലക്ഷം ഡോളർ) ചെലവഴിച്ചാണ് ഇവിടുത്തെ ഇൻഫർമേഷൻ കിയോസ്ക് നവീകരിച്ചത്. നയാഗ്ര മേഖലയിലേക്ക് എത്തുന്ന സഞ്ചാരികൾ ആദ്യം അന്വേഷിക്കുന്നത് പ്രാദേശിക കാഴ്ചകളെക്കുറിച്ചും പ്രത്യേകതകളെക്കുറിച്ചും ആയതിനാൽ, അവർക്ക് കൃത്യമായ വിവരങ്ങൾ നൽകാൻ ഈ കേന്ദ്രം സഹായിക്കുന്നു. കൂടാതെ, നയാഗ്രയിലെ പ്രശസ്തമായ വൈൻ റൂട്ടുകളിലേക്കും മറ്റ് വിനോദസഞ്ചാര കേന്ദ്രങ്ങളിലേക്കും യാത്രക്കാരെ കൃത്യമായി വഴികാട്ടുന്നതിൽ ഈ ഇൻഫർമേഷൻ സെന്റർ വലിയ പങ്കാണ് വഹിക്കുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
