നയാഗ്ര ഫാൾസ്: വാർഷിക നയാഗ്ര ഫാൾസ് സ്പൂക്കി അവാർഡ്സ് മത്സരത്തിനായുള്ള രജിസ്ട്രേഷൻ നടപടികൾ നഗരത്തിൽ ഔദ്യോഗികമായി ആരംഭിച്ചു. ഹാലോവീൻ ആഘോഷങ്ങളുടെ ഭാഗമായി വീടുകളും ബിസിനസ് സ്ഥാപനങ്ങളും ആകർഷകമായി അലങ്കരിച്ച് പൊതുജനങ്ങൾക്ക് ഈ മത്സരത്തിൽ പങ്കാളികളാകാം. പങ്കെുക്കാൻ ആഗ്രഹിക്കുന്നവർ ഒക്ടോബർ 18-നകം നഗരസഭയുടെ ഔദ്യോഗിക വെബ്സൈറ്റ് വഴി പേര് രജിസ്റ്റർ ചെയ്യേണ്ടതുണ്ട്.
വിവിധ കാറ്റഗറികളിലായി ഏറ്റവും മനോഹരമായി അലങ്കരിക്കുന്നവരെയാണ് വിജയികളായി തിരഞ്ഞെടുക്കുന്നത്. മികച്ച ഇഫക്ടുകൾ, ജഡ്ജുമാർ തിരഞ്ഞെടുക്കുന്ന പ്രത്യേക അലങ്കാരങ്ങൾ, പീപ്പിൾസ് ചോയ്സ് എന്നിവയാണ് പ്രധാന വിഭാഗങ്ങൾ. ഇതിൽ പീപ്പിൾസ് ചോയ്സ് വിജയിയെ കണ്ടെത്താനുള്ള പൊതുജന വോട്ടെടുപ്പ് ഒക്ടോബർ 23 മുതൽ 25 വരെ വെബ്സൈറ്റ് വഴി നടക്കും.
Also Read: നിങ്ങളുടെ അക്കൗണ്ടിൽ പണമെത്തിയോ? കാനഡയിൽ ഗ്രോസറീസ് ബെനഫിറ്റ് തുക ഇന്ന് അക്കൗണ്ടുകളിലേക്ക്
ഹാലോവീൻ ആഘോഷങ്ങളിൽ നഗരവാസികളുടെ പങ്കാളിത്തം ഉറപ്പാക്കുകയാണ് ഈ പരിപാടിയിലൂടെ അധികൃതർ ലക്ഷ്യമിടുന്നത്. മത്സരത്തിൽ പങ്കാളികളാകുന്ന വീടുകളുടെയും സ്ഥാപനങ്ങളുടെയും വിവരങ്ങൾ ഉൾപ്പെടുത്തിയ മാപ്പ് ഉടൻ തന്നെ പൊതുജനങ്ങൾക്ക് ലഭ്യമാക്കും. ഇത് ആളുകൾക്ക് നേരിട്ടെത്തി അലങ്കാരങ്ങൾ കാണാൻ സഹായകരമാകും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
