ഒട്ടാവ: കാനഡയിൽ പിആർ (Permanent Residence) സ്വപ്നം കാണുന്നവർക്ക് വലിയ ആശ്വാസം നൽകിക്കൊണ്ട് കനേഡിയൻ ഇമിഗ്രേഷൻ വിഭാഗം പുതിയ എക്സ്പ്രസ് എൻട്രി ഡ്രോ നടന്നു. കനേഡിയൻ എക്സ്പീരിയൻസ് ക്ലാസ് (CEC) വിഭാഗത്തിൽ 4,000 പേർക്കാണ് ഇത്തവണ പിആർ അപേക്ഷിക്കാൻ ക്ഷണം ലഭിച്ചിരിക്കുന്നത്. 2026 ജൂൺ 23-ന് നടന്ന ഈ ഡ്രോയിൽ തിരഞ്ഞെടുക്കപ്പെട്ടവർക്ക് വേണ്ട കുറഞ്ഞ CRS സ്കോർ 516 ആണ്.
കഴിഞ്ഞ കുറച്ചു മാസങ്ങളായി എക്സ്പ്രസ് എൻട്രി ഡ്രോകളിലെ ക്ഷണങ്ങളുടെ എണ്ണം കുറയുകയും CRS സ്കോർ ഉയർന്നു നിൽക്കുകയുമായിരുന്നു. ഈ പ്രവണതയ്ക്ക് വിരാമമിട്ടുകൊണ്ടാണ് ഇപ്പോൾ ഇൻവിറ്റേഷനുകളുടെ എണ്ണം 4,000 ആയി ഉയർത്തിയിരിക്കുന്നത്. കഴിഞ്ഞ മെയ് മാസത്തിൽ 3,000 പേർക്ക് മാത്രമായിരുന്നു അവസരം ലഭിച്ചിരുന്നത്, അന്ന് 518 ആയിരുന്നു CRS സ്കോർ. ഇപ്പോൾ ക്ഷണങ്ങളുടെ എണ്ണം വർധിപ്പിച്ചതോടെ സ്കോർ 2 പോയിന്റ് കുറയാൻ സഹായിച്ചു. ഇത് വരും മാസങ്ങളിൽ സ്കോർ കൂടുതൽ താഴുന്നതിലേക്കുള്ള സൂചനയാണെന്നാണ് വിദഗ്ധർ വിലയിരുത്തുന്നത്. ഈ ഡ്രോയിലെ ടൈ-ബ്രേക്കിംഗ് സമയം 2026 ഏപ്രിൽ 14, 00:03:10 UTC ആണ്.
നിങ്ങൾ എക്സ്പ്രസ് എൻട്രി പൂളിൽ ഉള്ള ആളാണെങ്കിൽ നിങ്ങളുടെ പ്രൊഫൈലുകൾ അപ്ഡേറ്റ് ചെയ്യാനും ആവശ്യമായ രേഖകൾ സജ്ജമാക്കി വെക്കാനും ശ്രദ്ധിക്കുക. വരും ദിവസങ്ങളിൽ കൂടുതൽ വിഭാഗങ്ങളിൽ ഡ്രോകൾ ഉണ്ടാകാൻ സാധ്യതയുള്ളതിനാൽ ഔദ്യോഗിക വെബ്സൈറ്റുകൾ കൃത്യമായി നിരീക്ഷിക്കുക. ഇതൊരു വാർത്താ റിപ്പോർട്ട് മാത്രമാണ്. കുടിയേറ്റവുമായി ബന്ധപ്പെട്ട കൂടുതൽ കൃത്യമായ വിവരങ്ങൾക്കും നിയമപരമായ ഉപദേശങ്ങൾക്കും ഔദ്യോഗിക IRCC വെബ്സൈറ്റോ അംഗീകൃത ഇമിഗ്രേഷൻ കൺസൾട്ടന്റിനെയോ സമീപിക്കുക.
New Express Entry Draw On June 23 Sent 4,000 PR Invitations
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
