ഒട്ടാവ: കാനഡയിൽ 1.8 ബില്യൺ ഡോളറിലധികം തുകയുടെ ചെക്കുകൾ ആരും കൈപ്പറ്റാതെ കെട്ടിക്കിടക്കുന്നതായി കാനഡ റവന്യൂ ഏജൻസിയുടെ (CRA) പുതിയ റിപ്പോർട്ട് വ്യക്തമാക്കുന്നു. ജൂലൈ 2026 വരെയുള്ള കണക്കുകൾ പ്രകാരം, ഏകദേശം 10.8 ദശലക്ഷം ചെക്കുകളാണ് ഉടമസ്ഥർ മാറിയെടുക്കാതെ കിടക്കുന്നത്. നികുതി റീഫണ്ടുകൾ, ആനുകൂല്യങ്ങൾ തുടങ്ങിയ ഇനങ്ങളിൽ ലഭിക്കേണ്ട തുകയാണിത്. ഓരോ ചെക്കിന്റെയും ശരാശരി മൂല്യം ഏകദേശം 173 ഡോളറാണ്. വിലാസം മാറിയത് ശ്രദ്ധിക്കാതെ പോയതോ അല്ലെങ്കിൽ ചെക്കുകൾ ശ്രദ്ധയിൽപ്പെടാതെ പോയതോ ആണ് പണം കൈപ്പറ്റാൻ കഴിയാതെ പോകുന്നതിന് പ്രധാന കാരണം.
നിങ്ങളുടെ പേരിൽ ഇത്തരത്തിൽ പണം ഉണ്ടോ എന്ന് പരിശോധിക്കാൻ CRA മൈ അക്കൗണ്ട് (CRA My Account) വഴി സാധിക്കും. ഇതിലെ അക്കൗണ്ട്സ് ആൻഡ് പേയ്മെന്റ്സ് വിഭാഗത്തിൽ അൺക്യാഷ്ഡ് ചെക്സ് എന്ന ലിങ്ക് പരിശോധിച്ചാൽ നിങ്ങൾക്ക് പണം ഉണ്ടോ എന്ന് അറിയാം. ചെക്കുകൾ ഉണ്ടെങ്കിൽ അവ ക്ലെയിം ചെയ്യുന്നതിനായുള്ള ഫോം അവിടെനിന്ന് ഡൗൺലോഡ് ചെയ്യാവുന്നതാണ്. സർക്കാർ ചെക്കുകൾക്ക് കാലാവധി ഇല്ലാത്തതുകൊണ്ട് വർഷങ്ങൾക്ക് മുമ്പുള്ളതാണെങ്കിൽ പോലും നിങ്ങൾക്ക് ഈ പണം കൈപ്പറ്റാം.
പണം തിരികെ നൽകാം എന്ന് പറഞ്ഞ് ആരെങ്കിലും ഫോൺ വിളിക്കുകയോ മെസ്സേജ് അയക്കുകയോ ചെയ്താൽ അത് തട്ടിപ്പാണെന്ന് തിരിച്ചറിയുക. ഇത്തരത്തിലുള്ള സേവനങ്ങൾക്ക് സിആർഎ ഒരിക്കലും ഒരു ഫീസും ഈടാക്കുന്നില്ല. ഭാവിയിൽ ഇത്തരം ബുദ്ധിമുട്ടുകൾ ഒഴിവാക്കാൻ ഡയറക്ട് ഡെപ്പോസിറ്റ് സംവിധാനം ഉപയോഗിക്കുന്നതാണ് ഏറ്റവും ഉചിതം. അർഹമായ പണം നഷ്ടപ്പെടാതിരിക്കാൻ സിആർഎ മൈ അക്കൗണ്ട് വഴി എത്രയും വേഗം പരിശോധന നടത്താൻ ശ്രദ്ധിക്കുക
New CRA Update Reveals Over $1.8 Billion In Uncashed Cheques
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
